Папулярныя біблейскія вершы з Mathiu 13

Падзяліцца

Kɛrɛ kɔnɔ ɔwe a sak ka ȧŋthɔf afinɔ ɔ yi kɔnɔ ɔwe mǝ tǝl ȧrim, ɔwa pǝ sɔk kɔ. Ɔ kom mǝkomi tɛntɛnɛ, kɔ kom mǝlɔm mɔlɔ ma kɛmɛ kin, mǝlɔm mɔlɔ ma tǝgba tǝsas, mǝlɔm mɔlɔ ma kǝgba tɔfɔt.

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Bepi wuni o wuni ɔ tǝl ȧrim ra rabȧy-e, ɔwa pǝ sɔk hɛ kɔ-e, Sethani ɔ der, ɔ kathi kɔ ȧte a po sak ka ȧŋmerȧ ŋɔŋ. Ɔwe-e, kɔnɔ a sak ro roŋ dayɛr.

Kɛrɛ kɔnɔ ɔwe a sak ka aŋgbalaŋ-e, kɔnɔ yi ɔwe mǝ tǝl ȧrim yi mǝbɔnɛ, ɔwa ɔ malanɛ ri. Kɛrɛ ma ɔ te ba athǝnk-e, ɔ tǝma gbo ta alɔkɔ agbut. Ɔwa ma mɔnɛ thalɔm asɔmpanɛ aŋ bek salata ȧrim, lɛmp ɔ tǝ pǝnthbǝla.

Rȧbȧy ra ro riyana rǝ bȧlȧnɛ mɔ kɛŋ kǝbaki mɔlɔ ȧke a maŋk ro lal, ȧke wuni ɔ fir, ɔ kȧl maŋk ki, ɔwa ɔ kɔnɛ ɔ thila ara ɔ ba bɛ salata mabɔnɛ mati, kȧmȧ ɔ gbǝli wai aŋlal ŋati.

Kɛrɛ mǝlɔm mǝ fumpɔ ka ȧŋthɔf afinɔ, ka mǝ kom mǝkomi, mǝlɔm mɔlɔ ma kɛmɛ kin, mǝlɔm tǝgba tǝsas, mǝlɔm kǝgba tɔfɔt.

Ter yi yɛrǝŋȧŋ ɛ lɔkɔ dɛr ɔkin haŋ ka karɔk, ɔwa ka ȧŋlɔkɔ ŋa karɔk i ti pa ka aŋrɔk, Mɔtha nu thoŋkla kapika, ɔwa sekǝth ki rǝ ɛlik tǝ kǝthɔy. Kɛrɛ thoŋkla apǝla pa mi ro fuŋk.