Папулярныя біблейскія вершы з लूका 23

Падзяліцца

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

यीशु ने तिसजो बोल्लेया, मैं तिज्जो सच बोल्दा, अज्ज ही तू मेरे कने स्वर्ग-लोक बिच होणा।

फिरी तिन्ने बोल्लेया, यीशु जां तुसा अपणे स्वर्ग रे राज बिच ‍जांगे तां मेरे जो जरुर याद रखेयो।

अते यीशु ने जोरे सणे बोल्लेया, ओ परम पिता, मैं अपणी आत्‍मा तुसा बिच दिन्दा अते बोल्ली करी यीशु ने अपणे प्राण देई दित्ते।

फिरी जां से तिस जगाह् पर आई रे जिस जो खोपड़ी बोलदे, अते तिन्हा ने त्रै जणेया जो सुली पर चढ़ाई दित्ता इक्क बदमाश यीशु रे खब्बे हात्थाँ पास्से थिया अते दुज्जा सज्जे हात्थाँ पास्से थिया।

तिस बेल्ले धियाड़ी रे बारा बजे थिये अते तिस बेल्ले का लेई करी तीन्न बजे तांइ पूरी दुनिया बिच न्याहरा होई गेया। अते सूरज री लौ जान्दी रेई अते तित्ते मन्दिर रा परदा फटी गेया।

तां रोमी सपाईयां रे हिसाब ने जे किच्‍छ भी होया थिया तिसजो दिख्खेया अते परमेश्वर री तारिफ करदे बोल्लेया पक्का ए इक्क धार्मिक मणू थिया।