Папулярныя біблейскія вершы з Lukasə 12

Падзяліцца

Kə́ nə́ ńdɛ́ɛlə mbɨ əjɨ ńté ńgə́ mɔ́ Ŋwunə a yǒ yǐ lə́ nə́ ndɛd páʼ nə́ pěʼ nə́ ńkě yí tə́ ḿbyáabə pô.”

Lə́ náŋ nə́ pə́ anuə nəfoonə ajíə, pə́ yǐ kə́ tíʼ ə́fɛ̂ əpú pɨ tsɔʼə ətsəm nə́ pəənə́.

Yeso a ghɛn nə́ mbiə á mə́ sóŋ nə́ nə́ pó ńgə́, “Lɔg nə́ ndɛlə́; kɔ nələ́g jɨ́ nə́ tə́ ə́sagə̂ ńté əpûmbîə, ńté ńgə́ nchîmbî ŋwu ə́ kě lə́ ndɛn əpú páʼə a túg nə́ pô, kəənə a pěʼ foʼə̂ pə́ ə́lɛ́.”

Ńté ńgə́ aliʼə́ atsəm páʼ afoʼə azô á chî nə́ ə́wɨ́, ntɨ́ əghô ə́ kə́ ńchî lə́ ə́wə́.”

Mbɔʼ əwə ŋwunə á mə́m pəənə́ a jwaʼ mbɨ əjǐ tə ḿbegə̂ mɔ́ akəmə ndɛlə́ á mə́m nchîmbî əjǐə?

Yeso a tíʼ ə́sóŋ nə́ ngaŋə́zoŋə́ndzəm əjí ńgə́, “Ńdaŋ ə́lɨ́d maŋ ə́sóŋə nə́ pɨ ńgə́ kɔ nə́ jwaʼ nchîmbî əjɨ ńté ajú páʼ nə́ yǐ nə́ jîə, kɔ nə́ kə́ ńjwaʼ mbɨ əjɨ ńté ajú páʼ nə́ yǐ nə́ wê.

Á lǒo mənoŋ mə́ atû mô, mə́ chî lə́ pə́ sháŋə mɨ́d tsɔʼə mətsəmə. Kɔ nə́ pɔ́gə, nə́ səglə̂ ńtsɛɛlə̂ aláʼə mənchwînə.

“Mɔ́ akwɛlə məmbéŋə mə, kɔ nə́ pɔ́g ńté ńgə́ Tǎ əwəənə́ a kɔŋə̂ á mə́ fɛ̂ nə́ anuə nəfoonə ajíə á mbô pəənə́.

Náŋ nə́ Əŋkəŋâ, pó kě əpü pǐə pô, ńkě kə́ ə́foʼə̂ pô, pó kě ndɛ̂ alɔʼkə məjî kɨ nkye túg pô, lə́ Əsê a pə́ ḿbɛ́lə ńdzə́gə ághóobə́, ńtíʼ ńgɛd ə́lɛ́ nə́ pɨ páʼ nə́ səglə̂ nə́ ńtsɛ pəsə́ŋə́?

Lə́ələ́ pə́ ńgə́, kɔ nə́ jwaʼ mbɨ əjɨ ńté ajú páʼ nə́ yǐ nə́ jî kɨ nô.

Mbɔʼ lɛ̌ pə́ ndzaŋ páʼ Əsê a wê nə́ ətsəʼ nə́ nəyeŋ páʼə á chî nə́ á kɔŋ ə́sɛ̂n, pə́ lǒo á ngwɛʼə́ ńtoonə̂ wə́ələ́ á móg, a yǐ kwíʼnə wê ətsəʼə́ á mbɨ pəənə́ pə́ ə́lɛ́? Mbimə́ əjɨ ə́ chígə́ ńkə́g lɛ ə́lɛ́!”

Ajúmə atsəm páʼ pə́ kə́bkə nə́, pə́ yǒ ŋáʼə. Anuə nəlyaŋnə́ atsəmə á kyaʼnə̂.