Папулярныя біблейскія вершы з Epacerero 6

Падзяліцца

Yave aathananihiwa niwoko na ompakawawe mutthu mweelaponimu, ni eyo yaamvoreya vamurimaniwawe.

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Wa soothesene, Nowe aamusiveliha Yave.

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

Yaapacereya waandyeererana atthu mweelaponi, yaahaayara anamwane asithiyana. Vano, anamwane a Muluku yaahoona weera anamwane asithiyana a atthu yaari ooreera ni yaahiithanlela yaawo yaatthunaaya. Vano Yave aaheera: “Munepaaka khoorwa omaka mwa mutthu mahuku ootheene, weenre omutthu owehereraka okhwa. Owo anaakhale ni okumi iyaakha ncira ni miloko miili paahi. Wa mahuku ale ni vahoolowaya yaakhala aNeefili* mweelaponimu, eyo tiiyo ehuhuweene yeele anamwane a Muluku yaathelanaaya ni anamwane asithiyana a atthu yaayarelaka anamwane. Vano aNeefili* ale yaari atthu oolipaxa murima a ehuhu ya khalayi, aani atthu a epili.

Nowe aapaka sootheene ntoko Yave aamulamulenlaawe.

Tivawo Muluku aamweerenlaawe Nowe: “Koolakela waaphwata atthu ootheene, niwoko elapo ya vathi yootheene yoosareya nipuheronaya. Vekhaikhai, kinimwaaphwata vamoha ni elapo yootheene.

Mpake nikula ntokotoko na mwiri wa goferi* ni ikwartu soohiyanahiyana ni muttikitthele nnyoma mpuwa ni omokoni.

Muluku awehaka elapo ya vathi, aahoona sootakhala sincipale niwoko ootheene yaamanke elapo ya vathi, yaatthara iphiro sootapanyeya.

Vanonto, moota wootheene wa soopattuxiwa soohiyanahiyana muvoloiheke munikulani piili-piili, ethiyana ni elopwana, weera sikhale ni okumi vamoha ni nyuwo.