Папулярныя біблейскія вершы з Jâan 10

Падзяліцца

Earə̂ ngbä nə̈ kütû ndə̂kə̂ zɨ ngbä, kə̂ won akrə, kə̂ ndɨ rə. Mëmê, më nə̈ ndə̂kə̂ pa azü wa la tchîsûwu, kə̂ wa la rə̂ âro masə̂nə̈.

Më wätə̂ tchôtchô earə̂ kə̂ bata aɛ̈bro-ngbaga. Tchôtchô earə̂ kə̂ bata aɛ̈bro-ngbaga gbötə̂ tchîsûwu ndə̂ yê bëte aɛ̈bro-ngbaga ndə̂ yê.

Aɛ̈bro-ngbaga ndə̂ mê djë tchə̂lə̂ gɨ̈ mê, më wünsə̂ andjê ânyë andjë zä tchêngbâ mê.

Më zä tchîsûwu ndə̂ logbɛ̂ logbɛ̂ sə̈ andjê, andjê tchuabô balë tee-a, ânyë ngâ akrə balë krʉabô andjê tchânə̂ mê tee-a.

Mëmê kä ndə̂ âwâtə̂ manda gbadja nə̈. Âdə ngâ akrə âli dəndə̂ mê, tchê tchadje lə̂ kuzü. Tchê liadje, kə̂ wutuadje, ânyë kə̂ gboadje rə ndə̂kə̂ zɨ rə̂.

Mëmê kä ndə̂ âwâtə̂ tchôtchô earə̂ kə̂ bata aɛ̈bro-ngbaga. Më wünsə̂ aɛ̈bro-ngbaga ndə̂ mê, ânyë aɛ̈bro-ngbaga ndə̂ mê wûnsə̂ mê

Rə ndə̂ Bha mê zâ rə̂ sə̈ mê wä gbölö kə̈ rô arə gbɛ̂, ânyë ngâ akrə balë kʉ̂âbo sə̂kə̂ krʉa rə̂ tchânə̂ Bha mê-a. Mëmê la Bha mê, ârâ wä balë.»

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Ngâ akrə balë jiabô tchîsûwu ndə̂ mê tə̂ mê tee-a, praâbalë mëmê kä ndə̂ âgbotâ la tə̂ mê. Më kä la gbôgbô ndə̂kə̂ gbotə̂ tchîsûwu ndə̂ mê, kə̈ wâ ndjë la gbôgbô ndə̂kə̂ kä za rə̂. Kə̂ zama ndə̂ Bha mê zâ rə̂ sə̈ mê kä lâme.»

Jezü tö rə̂ päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, mëmê kä ndə̂ âwâtə̂ manda gbadja ndə̂ aɛ̈bro-ngbaga.

Akrə ndə̂ tche wâbô wâtə̂ earə̂ kə̂ bata aɛ̈bro-ngbaga, ânyë aɛ̈bro-ngbaga nə̈ wâbô wâtə̂ andjandə̂ ye nə̈ la tə̂ yê, âdə tchetchë ndə̂ tche mbo kütû kua bëte makətche lâme, tche âwun zogbô ndə̂ tche nə, kə̂ gbotə̂ aɛ̈bro-ngbaga nə̈, kə̂ kpe-ê. Käko zogbô nə̈ ku pâ andjê, ânyë kə̂ wrʉrʉ tchə̂lə̂ andjê katchôgbɛ̂.

Jezü tö rə̂ päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, akrə ndə̂ tche lîâbô lî lə̂ manda gbadja ndə̂ aɛ̈bro-ngbaga nə̈ ânyë kə̈ kû dəpâ mbiti lə̂ ngâ köbo ngbî, dëkë tche wätə̂ earə̂ ngbä, ânyë kə̈ wâ ndjë tə̂ earə̂ kə̂ ndɨ rə.