Папулярныя біблейскія вершы з NAANAA 13

Падзяліцца

Zĩtɛ kũ n è pínki, ma kpàmma, anigɔ̃ de mɔkɔ̃n kũ n burinɔ pɔ́ ũ ari gɔrɔ sĩnda pínki.

Lutu tanaa gbɛra Dikiri pì Abramunɛ: Gu kũ ń zɛ́n ǹ wɛ́ sɛ́ ǹ gugbãnduru kũ gɛ̀nɔmidɔkio kũ ifãbokio kũ ifãlɛtɛo gwa.

Mani tó n burinɔ kɛ dasi lán bùsu'atɛ̃ bà. Tó gbɛ̃ke ni fɔ̃ à bùsu'atɛ̃ naro, de ani fɔ̃ à n burinɔ naro.

Akũ Abramu pì Lutunɛ: À mana lɛ́kpakɔ̃a gɔ̃ kú ó daguraro, ke ma pɔ́dãrinɔ kũ n pɔ́dãrinɔ dagura, zaakũ danɛnɔn ó ũ.

Abramu fùtɛ à gɛ̀ɛ à vùtɛ Mamare gbiri lí kũ ò kú Ɛblɔnunɔ sarɛ, akũ à Dikiri gbagbaki bò gwe.

Kũ Lutu gu gwà, à è Yoda guvutɛ pínki mɔtɔ vĩ manamana. Ari Dikiri gɔ̃ gɛ́ Sɔdɔmu kũ Gɔmɔrao kakatɛ, guvutɛ pì de lán Dikiri swadakoo bà, lán Misila bùsuu bà, ari à gɛ̀ɛ pɛ́ Zoaa.