Папулярныя біблейскія вершы з यहुन्ना 2

Падзяліцца

ईसू गलील का काना नगर में आपणो ओ पेलो परच्यो देन आपणी मेमा परगट किदी अन वाँका चेला वाँके ऊपरे विस्वास किदो।

ईसू क्यो, “ओ मास्या, मने कई करबा का वाते मती केवो। अबाणू मारी टेम ने अई हे।”

ईसू वणा नोकर-चाकरऊँ क्यो, “अणा कळा ने पाणीऊँ भर दो।” तो नोकराँ वाँने लबा-लब भर दिदा। पछे पाछो वणा नोकर-चाकरऊँ क्यो, “ईंमूँ थोड़ोक पाणी लो अन ईंने जीमणा का मुक्या का नके ले जावो।” अन वीं लेग्या।

ईसू वाँने जवाब दिदो, “ईं मन्दर ने धड़ा दो, मूँ ईंने तीन दनाँ में पाछो बणा देऊँ।”

ईं वाते ईसू हण को कोड़ो बणान हाराई ढान्ढा-ढोर अन गारा ने मन्दर का चोकऊँ बारणे काड़ दिदा, अन लेण-देण करबावाळा का रिप्या-कोड़ी बखेर दिदा, अन वाँका तकता उळट-पुळट कर दिदा। अन परेवड़ा ने बेचबावाळा ने तापड़ता तका क्यो, “अणाने अटूँ ले जावो। मारा बाप का घर ने वोपार को घर मती बणावो।”