Папулярныя біблейскія вершы з लूका 12

Падзяліцца

तुम मेरा लौटण कु तैयार रावा किलैकि मि मनिख कु नौंनो जै बगत पर स्वर्ग बट्टी आलो जब तुम मेरा आंणै की भि उम्मीद नि करदा होला किलैकि वीं बगत तुम सुचदा भि नि होला।

इलै पैली तुम परमेश्वर का राज्य अर धर्म कि खोज कैरा त यु सभि चीज भि तुम तैं मिली जालि।

अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।

किलैकि तेरु मन हमेशा उखि लग्युं रालो जख तेरु धन च।

तुम मा बट्टी कु च जु चिंता कैरी कै अपड़ा जीवन मा एक घड़ी भि बढ़ै सकद?

फिर वेल अपड़ा चेलों बट्टी बोलि, इलै मि तुम मा बुल्णु छौं, कि हरेक रोज यु चिंता नि करयां कि हम क्य खौला अर न अपड़ा देह कि क्य पैरुला क्य प्राण खांणु से अर देह कपड़ोंं से बढ़ि के नि च?

उ यु भि जंणदु च की तुमारा मुंड मा कथग बाल छिनी। इलै डैरा न किलैकि तुम भौत घींडुडी से भि बढ़ि के छा।

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

चलखुडों तैं देखा उ न त बुतदा छिनी अर न लवैइ करदींनि अर न अपड़ा खत्तों मा बटोरदिन फिर भि तुमारो स्वर्गीय पिता परमेश्वर ऊं तैं खिलांदु तुम निश्चित रुप मा चलखुडों का तुलना मा भौत जादा मूल्यवान छा।

अर तुम ईं बात कि खोज मा नि रावा कि क्य खौला, य क्य प्यूला, अर न सन्देह कैरा।

इलै मैदान कि घास तैं, जु आज च, अर भोल आग मा जलै जाली, फिर भि परमेश्वर ल ऊं तैं इथग जादा सुन्दरता दींनि, त हे अल्पविश्वासियों, जरुर तुम्हरी भि देखभाल करलो।

इन ही जु कुछ छिपयूं च प्रगट हवे जौं अर हर गुप्त बात प्रगट हवे जौ।