Папулярныя біблейскія вершы з ወንጌል ዘሉቃስ 13

Падзяліцца

ወይቤሎሙ ተኀየሉ ትባኡ እንተ ጸባብ አንቀጽ እብለክሙ ብዙኃን እለ የኀሥሡ ይባኡ ወኢይክሉ።

ወሀለወት አሐቲ ብእሲት እንተ አድወያ ጋኔን ዐሠርተ ወሰመንተ ዓመተ ወጕሕቈት ወኢትክል ርቱዐ ቀዊመ ግሙራ። ወርእያ እግዚእ ኢየሱስ ወመሐራ ወጸውዓ ወይቤላ ኦ ብእሲቶ ተስዕርኪ እምደዌኪ።

ወአንበረ እዴሁ ላዕሌሃ ወረትዐት ሶቤሃ ወአእኰተቶ ለእግዚአብሔር።

ወይከውኑ ደኀርት ቀደምተ ወቀደምት ይከውኑ ደኀርተ።

እስመ ይትነሣእ በዓለ ቤት ወየዐጹ ኆኅቶ ወይእተ ጊዜ ይእኅዙ ይቁሙ አፍኣ ወይጐድጕዱ እንዘ ይብሉ እግዚኦ እግዚኦ አርኅወነ ወያወሥእ ወይብሎሙ ኢየአምረክሙ እምአይቴ አንትሙ።

አልቦ እብለክሙ እመሰ ኢነሳሕክሙ ከማሆሙ ትትኀጐሉ አንትሙሂ ኵልክሙ።

ወይቤሎሙ እብለክሙ ኢየአምረክሙ እምአይቴ አንትሙ ረኀቁ እምኔየ ኵልክሙ ገበርተ ዐመፃ።

ወይቤሎሙ ምንተ ትመስል መንግሥተ ሰማያት ወበምንት አስተማስላ። ትመስል ኅጠተ ሰናፔ እንተ ነሥኣ ብእሲ ወዘርዓ ውስተ ገራህቱ ወልህቀት ወኮነት ዕፀ ዐባየ ወአጽለሉ አዕዋፈ ሰማይ ውስተ አዕጹቂሃ።