Папулярныя біблейскія вершы з ወንጌል ዘማቴዎስ 2

Падзяліцца

ወበዊኦሙ ውስተ ቤት ረከብዎ ለሕፃን ምስለ ማርያም እሙ ወወድቁ ወሰገዱ ሎቱ ወአርኀዉ መዛግብቲሆሙ ወአብኡ ሎቱ አምኃ ወርቀ ከርቤ ወስኂነ።

ወተወሊዶ እግዚእ ኢየሱስ በቤተ ልሔም ዘይሁዳ በመዋዕለ ሄሮድስ ንጉሥ ናሁ መጽኡ መሰግላን እምብሔረ ጽባሕ ወበጽሑ ውስተ ኢየሩሳሌም። እንዘ ይብሉ አይቴ ሀሎ ዘተወልደ ንጉሠ አይሁድ እስመ ርኢነ ኮከበ ዚኣሁ በምሥራቅ ወመጻእነ ከመ ንስግድ ሎቱ።

ወርእዮሙ ኮከበ ተፈሥሑ ዐቢየ ፍሥሓ።

ወነገሮሙ በሕልም ከመ ኢይግብኡ ኀበ ሄሮድስ ወእንተ ካልእት ፍኖት ገብኡ ወአተዉ ብሔሮሙ። ወእምድኅረ ኀለፉ እሉ ናሁ መልአከ እግዚአብሔር አስተርአዮ በሕልም ለዮሴፍ እንዘ ይብል ተንሥእ ወንሣእ ሕፃነ ወእሞ ወጕየይ ውስተ ብሔረ ግብፅ ወሀሉ ህየ እስከ አመ እነግረከ።