Папулярныя біблейскія вершы з Matoose 7

Падзяліцца

Shi'uwayte, hinuse inguttoko e ingutte. Worguwayte, degexako hi degexe. Sumaa eedhi xheyguwayte, hinuse gasay do'uttoko e do'utte.

Ye esini shi'eesuse uddiko e ingutte, worgesini degexako e degexe, sumaa eedhi xheygesuseni do'uttoko e do'utte.

Sekkeni Yesuusay <<Ha kato siidi hanta gara feyssheshi uddina kaacho modhussi kaashi be keexe keexha gaxe keenge axuko e bishe.

Yoonase axi hinuse mahorosa hi worge abako uddi hinunini yeydiwo axuse mahuwayte. Muse wogay ohesaara kaayaxiti erusichoshaaray ha esako>> yeydi e hido.

Maaqe baaka yesuwa gelse sumay xhuumo maaqusune e ogey maddhunxesako, ye esa degexe axiti baretako>> yeydi e hido.

Sekkeni Yesuusay <<Xhuumo sumaanna geluwayte! Baysuwa gelse sumay aako maaqusune e ogeni gafusuwaa modheko. Yaha geleesitini lagitako.

Yoonase hinuni iita maaqisine hi nayshushe modhe ingo inge erako hi ere. Hinne afaa yese hinadey biya shi'eesituse waanidini modhe abako hinume afana garsi e inguwaane?

Yesuusay sekke <<Hi gara e yaa'utteesume hinuni oone garani yaadhofita! Axi gara hi yaa'enikeko hi garani e yaa'utte. Essa hi makkesunako hinuseni e makkutte.

Be siido ta kato hanta gara feysshuwashi mancha gara be keexe keexha axi muyako e bishe.

Ne aafiya yese mudduno gaxxhi beedo badesine fede axi aafiya yese diira ame ne beene? Hinne ame ne aafiya muddunoy yesune fede axuse <Mee, ne aafiya yese diira haayya ta kessoore> yeydi neyne?

Assi Yesuusay <<Kaayaxe be maaquwasa kaayaxe bisshi yoonesi garafa hinumba kakkuwayte. Wude badena hade dore bisshiko hinuko u yoone, be gawwaana hade shoddi ekke sudhamituke yeseesitako. U hanta aafenako oone u maaqesa hi ere. Anke garafa modhe weyne aafey moggore garafani modhe belese aafey maxhuttuwasso.

Ye esini mixi modhey uddina modhe aafeko e kaxhe, mixi iitay iita aafeko e kaxhe.

Mixi modhey iita aafe kaxhese danda'uwasso, yeydiwo mixi iitay modhe aafe kaxhese danda'uwasso.

Aafe modhe kaxhuwa mixi uddina burdiko tamaa e dafutte.