Папулярныя біблейскія вершы з Yɔn 3

Падзяліцца

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

“Yelemɛŋerɛ yelemɛŋerɛ, Yinɛ ka tum a dayua wa ti ka wa'am na gakɛ timpaberɛ wa, gee timpaberɛ wa tugum nyɛ faarɛ doohe a dayua wa puan.

Ti Yezu lerege en yeti, “Yelemɛŋerɛ yelemɛŋerɛ ti n yɛta fum wa, nɛra ka boi wan bɔna Yinɛ sɔ'ɔlum la puan han dagena ba dɔgɛ en la saazuo na.”

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Gakerɛ en de se'em en ŋwana. Niihum wa'am timpaberɛ wa zuo na, gee nɛreba nɔŋɛ la lika gana niihum la, beni zuo, ba tuni la be'em.

“Eŋa wan malum pa'ahera, gee ti mam sigera.”

Sɛba woo n tuni be'em yaaɛ niihum mɛ, kan wa'am bu puan na, ti ba be'em la da niiɛ na.

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Wuu Moose n wa zɛkɛ bunsɛla la muɔ la puan se'em la, bala mɛa ti ba wan ta zɛkɛ Asaala Dayua wa saazuo

Sɔ la nɔŋɛ dayua la mɛ, gee dikɛ sɛla woo iŋɛ a nu'uhen.