Папулярныя біблейскія вершы з YOHAANNISI 19

Падзяліцца

Yesuusino shiisha suumetenni kisihu gedensaanni, «Xaate ikkino» yii. Umosi heeshshi asse lubbosi sayise uyi.

Hakkunni gedensaanni Yesuusi duuchunku coyi wo'minota afe, Qullaawu Qaali wo'manno gede, «Goo'rummo!» yii.

Yesuusi amasinna baxanno rosaanchi hakko uurrite noore afe amasi, «Ama, beettikki kuneeti» yiise. Hakkunni gedensaanni rosaanchohono, «Amakki kuneeti» yiisi. Hatte yannara rosaanchu ise haa're minisira ha'ri.

Yesuusiwa shiqqi yitanno woyite balaxe reyino daafira isi mogole dicancantino. Ikkollana olantote giddonni mittu Yesuusi midaado urdetenni qasi; midaadosi urdetenni qasita, mundeenna wayi fuli.

Kuni coyi ikkinohuno, «Miqichisi mittu nafa dihiiqqamanno» yaannohu Qullaawu Qaali wo'manno gedeeti. Wolu Qullaawu Qaalino, «Hakkonne qassuha la'anno» yaanno.

Hakkunni gedensaanni Yesuusi masiqalasi duqqe, «Umu Qooncho» yinanni darga mari. Hakkonne darga Ibiraawootu afiinni, «Golgoota» yinanni.

Olantono utu worraaqqa seekkite Yesuusira umoho wortu. Duume uddanono uddisiissusi.