Папулярныя біблейскія вершы з Maatiusiup Aglangit 16

Падзяліцца

Tavva Jiisusiup ilinniaqtini uqautivait, “Nalliat uvannut maligumajuq, pinasuarumajaminik qujanaaqsijuksauvuq, sanningajuliminik agjaqsiluni, maliktuksauvuq uvannik.

Taimaimmat uqautivagit, Piitturuusiuvutit, qaiqtuq; qaiqtumut tavvunga ilagiiktuqutikka tunngaviqaqtillugit aaqqiksurniaqpakka, kappianaqtuviullunniit isiqtarvingata saalagijunnarnianngilaq.

Tunisiviginiaqpagit Guutiup Ataniuvingata ukkuirutinginnik; nunarjuami qilaksurniaqtatit qilangmi qilaksuqtausimajumaarivut, nunarjuamilu tamaani qilarujjaarniaqtatit qilangmittauq qilarujjaaqtaujumaarivut.”

Inuusirminik annirusuktuq inuusirminik asiujijumaaqpuq, nallialli inuusirminik asiujijuq uvannik pijjutiqarluni taanna inuusirmik nanisiniaqpuq.

Inuk sunamik pivalliutiksaqarajaqpaa silarjualimaamik pitaaruni, inuusirminiglu asiujiluni uvvalu sunamik tunijaksaqarajaqpa? Inuusirminik utiqtitsijunnaqullugu?

Tavva Jiisusiup uqautivait, “Ilissili kinaunasugivisinnga?” Tavva Saimuuni Piitturuusiup kiuvaa, “Misaiasiuvutit, Guutiup uumajuup Irninga.”

Jiisusiup uqautiva, “Saimuunii Juanasiup irninga nalaagut uqaqputit! Tamanna qaujititauniit inutuinnarmit pinngilaq, Ataatamali qilangmiittuup tamatuminga tukisitippaatit.