Папулярныя біблейскія вершы з Matyo 18

Падзяліцца

Afwɔ yɛ bɔ fyee kà bɔ tɛd zeʼ afwɔbi ene ekumu ngu ngɛ, mmɛ wa aŋu abwaʼ angɔ.

Mmɛ gɛrɛ wu ga endɔn ekyɛ tsɛrɛ kpe mala bɔ fyee abwaʼ ndzɔn edɔm chwâ bɛrɛ ene ebwa deʼ gɛ̀rɛ̀ tsàʼrà Ngwe ene ebwa wɛ, e ba ngo fwɛʼ ebwa wɛ endɔn nyɛ̀rɛ̀ zèʼe achim àtɛ ngu ekere.

Éngɛ Yeso zɔʼ adɔ̀kpara deʼ, le engɔ tam efàarà angɔ. Engɔ gâ kpe, “Mmɛ na tòʼrò éŋwaʼa endɔn kpe, mbɔn ne kobo mwɔ na adɔ̀kpara nɔ bo, mbɔn yà ne nyii efwɔ ebwa m̀fɔ̀ ekere bo.

Éngɛ gho kɛ efwɔ ebwa m̀fɔ̀ ekere ne engɔ wɛ è ma bwaara ekwa mɔ mwɔ né eŋwɔ wunɔ ngɛ.

Egho wɛ è nu ŋwɔ deʼ ne ewùnɔ ene ekumu ngu ngɛ shi nu angu.”

Éngɛ mmɛ ga éŋwaʼa endɔn mbɔn bɔ gimkpaʼ kpe, ebwa wɛ mbɔn tɔn a chwâ ngɛ, e gɛrɛ ba tɔrɔ ekere. Engɔ wɛ mbɔn me bɛrɛ a chwâ ngɛ e gɛrɛ ba bɛ̀rɛ ekere.

Éngɛ Yeso ngudu kpe, “Na éngɛ àtɛ ngu ekere ma yà le ekwa gho ŋwàʼaŋwàʼ abwaʼ ndzɔn, mala ngwo tɔn é dzɛ̀d anyimabwa ghongwa ngwɛ nyɛrɛ zeʼ efwɔ etaa mfyɛ.”

Bɛʼngɛ, mala gho deʼ me né le kpe adɔ̀ ŋwaʼ abwaʼ adɔ̀kpara bɔnɔ nyim ebɛrɛtaa mɔ ene mmɛ, shi e wa ngo me nara kpe e tyɛ angwa etye gwo ela deʼ adwɔ m̀pè gho zɔnɔ, gɛ̀rɛ̀ ndwa engɔ efwɔ ebɔrɔndim, efwɔ afwɔ yɛ ndim me turu ngɔɔ ghɛʼ ngɛ.

Mbɔn be zhuŋu kpe mala gho deʼ me le ǹglɔ̀rɔ̀ mɔ ekobi, ǹglɔ̀ ŋwaʼ nyɔɔ, engɔ wa le ene ngà? Engɔ ke ma ngo shi etse èsama kwɛ̀ tɛʼ wum ǹchwɔ̀ kɔɔ e sa yɛrɛ nde edɔm egu è ngɔɔ gɛ̀rɛ̀ zɛʼ ǹglɔ̀ ŋwaʼ yɛ è me nyɔɔ ngɛ bo?