1
मत्ती 7:7
सिरमौरी नौवाँ नियम
“पौरमेशवर शै सैजौ मांगो जियौं चीज़ौ कै तुऔं जौरुरत औसौ औरौ सै तुऔं दैला; जौले तौ तुऐं पालै औरौ जै तुऐं खोट-खोटाल़े, तौ तुऔं कारिए दवार उंडु खोले जांदो।
Параўнаць
Даследуйце मत्ती 7:7
2
मत्ती 7:8
जिथुकै जू कुणिए मांगलै, तैसीखै दैय जांदो, औरौ जू कुणिए जौला, तैसीखै भैटी जांदो, औरौ जू कुणिए खोट-खोटाला तैसीखै दवार उंडु खोले जांदो।”
Даследуйце मत्ती 7:8
3
मत्ती 7:24
“इथकारिए जू कुणिए मैरी ऐजी बातौ शौणैबा तिनुखै मानला, सै तैसी बुध्दिमान आदमी कै जैशणा औसौ, जैणै आपणौ घोर चट्टानो कै नियुं पांदी बाणौ।
Даследуйце मत्ती 7:24
4
मत्ती 7:12
इथकारिए जू किछै बै तुऐं चांव कै आदमी तुऔंआरी कौरौ, तुऐं बै तिनु आरी तैशणाई बर्ताव कौरौ; जिथुकै मूसा कै कानून औरौ पौरमेशवर कै बातौ बौताणौवाल़ै कै लेखो का मतलब ऐजाई औसौ।”
Даследуйце मत्ती 7:12
5
मत्ती 7:14
सांगड़ै औसौ सैजी दियोल़ औरौ चैईथी औसौ सैजी बाट जू सौदा कै जिन्दगी तौड़ी नियौ, औरौ ठिकै औसौ जू सौदा कै जिन्दगी पालै।”
Даследуйце मत्ती 7:14
6
मत्ती 7:13
“पौरमेशवर कै राज्य दै जाणौ कै बाट सांगड़ै दियोल़ बाटी हौयौ जांव, चौड़ै औसौ सैजी दियोल़, औरौ आसान औसौ, सैजी बाट जू बिनाश कै ढौबौ खै जांव, औरौ बौहितै लोग औसौ जू तिंदै हौयौ जांव।
Даследуйце मत्ती 7:13
7
मत्ती 7:11
जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।
Даследуйце मत्ती 7:11
8
मत्ती 7:1-2
“कोसी का न्याय नी कौरौ, तौ पौरमेशवर बै तोंवारा न्याय ना कौरदा। जिथु जैशैखै तुऐं दोष लांव, तैशैखैई पौरमेशवर तुऔं पांदी दोष लांदा, औरौ जैशैखै तुऐं ओकी का न्याय कौरौ, तोंवारा बै न्याय हौंदा।”
Даследуйце मत्ती 7:1-2
9
मत्ती 7:26
पौरौ जू कुणिए मैरी ऐजी बातौ शुणल़ा औरौ तिनु पांदी ना हांडला, सै तैसी मूर्ख आदमी कै जैशणा औसौ, जैणै आपणौ घोर रैतौ पांदी बाणौ।
Даследуйце मत्ती 7:26
10
मत्ती 7:3-4
“तू काए आपणै भाई की नानड़ी-नानड़ी गौलती कै दैखै औरौ आपणी बौड़ी-बौड़ी गौलती कै काए ना दैखै। जोबै तैरी आपणी गौलती बैजाए औसौ तौ तू आपणै भाई खै कैशैखै बौल़ै सौकै कै हांव तैरी नानड़ी शी गौलती कै ठीक कौरे दियु।
Даследуйце मत्ती 7:3-4
11
मत्ती 7:15-16
“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ। तिनकै काम दैखैयो तुऐं तिनुखै पोछैयाणै पांदै, का झाड़ी पौरैशै अंगूर औरौ कांडे वाल़ै झालो पौरैशै अंजीर तौड़ौ?
Даследуйце मत्ती 7:15-16
12
मत्ती 7:17
ऐशैखैई हरेक आछा डाल़ आछा फल़ लांव, औरौ बुरा डाल़ बुरा ही फल़ लांव।
Даследуйце मत्ती 7:17
13
मत्ती 7:18
आछा डाल़ कौलोंई बै बुरा फल़ ना लांदा, औरौ ना बुरा डाल़ कौलोंई आछा फल़ लांदा।
Даследуйце मत्ती 7:18
14
मत्ती 7:19
जू-जू डाल़ आछा फल़ ना लांव तैसीखै काटैयौ आगै मुंजी बैगाए दैंदै, ऐशैखैई झूठै पौरमेशवर कै बातौ बौताणौवाल़ै कै बै ऐशैखैई सौजा भैटदी।
Даследуйце मत्ती 7:19
Стужка
Біблія
Пляны чытаньня
Відэа