Папулярныя біблейскія вершы з Yoana 1

Падзяліцца

Nawe, bhonsego bhanú bhaamuturuungʼana na okumwikirirya, akabhahaana obhuturo bhwa okubha abhaana bha Waryubha.

Kubhusimuka hayo, Engʼana yaaringa-ho. Engʼana uyo, yaaringa hamwi na Waryubha, Engʼana uyo, yaaringa Waryubha.

Endingaasi iyo, erangʼarabha mukisunte, kora ekisunte kitaatura okuihiga.

Mbe, Engʼana uyo, akabha omuntu, akeekara gati yeetu. Na bheetu tukarora obhukuru bhwaye, obhukuru bhwa Omwana omumwemwe wa Taata Waryubha. Yaaringa na eriruguto erinene na obhuheene bhonsego.

Ebhintu bhyonsego bhyabhumbwa okuhitira ku Engʼana uyo. Kitariho kora ekintu ekimwi kinú kyabhumbwa bira weeki. Engʼana uyo, ngʼo obhusimuka bhwa obhuhoru, na obhuhoru bhuyo, mbo bhurareeta endingaasi kubhantu bhonsego.

Ejo wendeko, Yoana akamurora Yeesu aramuuja-ko. Akabhakeerya abhantu bhanú bhaaringa hayo ega, “Mumaahe, uyo ngʼo Omwana wa Eringʼondi wa Waryubha, unú aragega obhusarya bhwa abhantu bhonsego bha mukyaro munu!

Uyo ngʼo yaaringa mukyaro munu, kweki ekyaro kyonsego kyabhumbwa okuhitira kuweeki. Nawe, abhantu bha mukyaro bhataamumanya. Yaaja kubhantu bhaaye, nawe, bheeki bhataamwikirirya.

Endingaasi eritinya iyo erangʼarabhira abhantu bhonsego, yaaringa eraaja mukyaro kinu.

Okurwa akare, Waryubha yaaruusya amaragiriryo gaaye, okuhitira ku Musa, na bhoono aruusirye eriruguto ryaye na obhuheene bhwaye, okuhitira ku Yeesu Kiristu.