Папулярныя біблейскія вершы з Yoana 17

Падзяліцца

Taata, ndakusabha obhakore okubha abhantu bhaaho kimwi, kubhuheene bhwaho, kwa okubha eringʼana ryaho ndyo obhuheene.

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

“Ntakubhasabhira bhayo abheenego, nawe, ndabhasabhira kora bhonsego bhanú bharinyikirirya kwa ekisigo kya ganú abheehigira bhaani bhareehigirya. Ndasabha ega, bhayo bhabhe ekintu kimwi. Taata, ndasabha bhabhe munsi weetu, kya ego uuwe oringi munsi waani, na oni ndingi munsi yaaho. Ndasabha ega, bhabhe ekintu kimwi, naho abhantu bha ekyaro bheekirirye ega, nuuwe waantuma.

“Taata, ntakusabha ega, obharuusye mukyaro hanu, nawe ega, obhatuurye na omusarya urya Erisambwa.

Obhukuru bhunú waangʼaana oni, mbaheeri abheehigira bhaani, naho bhabhe ekintu kimwi, kya ego oni na uuwe turingi ekintu kimwi. Oni mbe munsi waabho, kya ego uuwe oringi munsi yaani. Kwa ego, ndasabha ega, bhakunaane kubhumwi bhwabho, naho abhantu bhonsego bha mukyaro bhamanye ega, nuuwe waantuma, kweki bhamanye ega, obhahanjiri kya ego unhanjiri oni.