Папулярныя біблейскія вершы з Ruuka 14

Падзяліцца

“Omuntu wowonse unú aransoorana arabha omwihigira waani heene hanú araanhanje oni, okukira esewaabho, ngʼina waabho, omukari waaye na abhaana bhaaye, abhahiiri bhaaye bha ekisaaja na bha ekikari, na obhuhoru bhwaye omwene.

Omuntu wowonse unú atakugega omusarabha gwaye, kurusumo rwani, uyo atakutura okubha omwihigira waani.

Kwa okubha kira omuntu unú areeriinʼya omwene, Waryubha arimwituumya. Na unú areeyituumya omwene, Waryubha arimuriinʼya.”

“Egoego na bheenyu, unú atakutiga bhyonsego bhinú yaanabhyo, atakutura okubha omwihigira waani.

“Tiga mbaragirirye. Niwi gati yeenyu areende okuhagaaja ekinsongyo, ateekare okwamba akore amasaabhu ga obhuhagaaji, arore nyoore yaana egimbirya gya okumarira obhuhagaaji. Bira okukora ego, aratura okuhagaaja obhurusa, amare atamwe okugendererya okuhagaaja ekinsongyo. Abhahiti bha kunjira bharaabhenga bharamujeera. Bharaagambenga ega, ‘Rora omuntu unu! Yaamba okuhagaaja, nawe ataana obhuturo bhwa okurimariisya erikindaasi rinu!’

Nawe, hanú oraaseemye enyangi, oraarike abhatobhu, abharema, abhabheeru, na abhahoku. Nho orinonkwa, kwa okubha bhayo bhataana obhuturo bhwa okukuriha. Kwa ego, Waryubha arikuriha eribhaga rinú arihyukya abhantu abhaheene.”

“Omuunyu n-kintu ekijomu. Nawe guraabhe gusarikiri, gutakutura okubha na omuta gwa omuunyu kweki. Omuunyu gwa ekabhira inu, gutakujoma okutuura mwirobha, kora okuikora emborea, abhantu bharagwesa. Unú yaana amatwi, yeegwe!”