Папулярныя біблейскія вершы з Ruuka 5

Падзяліцца

Hanú yaamara okubheehigirya, akakeerya Simoni, “Ruga obhwato tugende bhuribha, mwituumye emitego gyenyu, mutege, naho munyoore eginswi.”

Simoni akamukyukya ega, “Uuwe Omukuru weetu, twakoreri emirimu kwa ekituunyo obhutiku okukya, bira okunyoora ekintu! Nawe, kwa okubha nuuwe ogambiri, ndagiituumya emitego mumanji.” Mbe, Simoni na abharikyaye bhakeetuumya emitego gyabho mumanji, bhakatega, bhakagwatya eginswi eginjaru bhukongʼu, okuhikira emitego gyabho gikaamba okutaamuka.

Kora ego, Yeesu yaaringa arabhatiga, aragya kabhejyo, akabha arasabha Waryubha.

Egoego, oni nonse ntaajiri okubhirikira abhantu bhanú bhareerora ega, m-baheene, nawe, niijiri okubhirikira abhasarya bhamwihunjurire Waryubha.”

Simoni Petero hanú yaarora ego, akatema hansi ebhiru embere ya Yeesu, akamukeerya ega, “Omukuru, ntakwenderwa okubha hamwi na uuwe, ogende, kwa okubha oni m-muntu owa obhusarya!”

Yeesu akabhakyukya ega, “Abhantu bhanú bhataringi abharweri bhatakwenda omureri, nawe abharweri mbo bharamwenda!

Mbe, Simoni na abharikyaye bhakahindya amaato kumurambo, bhakatiga obhuniibhi bhwabho bhonsego, bhakamusoorana Yeesu.

Yeesu hanú yaaringa mumugi gumwi, rumwigo, akaaja-ho omuntu umwi. Omuntu uyo, yaaringa omugenge omubhiri omugima. Hanú yaarora Yeesu, akatema hansi ebhiru embere yaaye, akahiinya obhusu bhukahika hansi, akamukomererya ega, “Ee Omukuru, nyoore oreenda okunkuunʼya, oratura okunhwenʼya!” Yeesu akeenura okubhoko kwaye, akamukuunʼya, akamukeerya ega, “Ndeenda ohwene, iraama!” Hayohayo, akahwena obhugenge bhwaye.

Kora ego, eringʼana eguru ya Yeesu, rikagendererya okunyaragana bhukongʼu. Abhantu abhaaru bhakabha bhareekumanʼya, naho bheetegeerere ameehigiryo gaaye, na okuhwenibhwa amarweri gaabho.