Папулярныя біблейскія вершы з Ruuka 9

Падзяліцца

Hanú yaamara, akakeerya bhonsego ega, “Omuntu wowonse unú areenda okunsoorana oni, areenderwa yeeyange omwene, na okugega omusarabha gwaye kira orusiku, nho yansoorane.

Omuntu wowonse unú areenda okuhonʼya obhuhoru bhwaye bhwa mukyaro munu, aribhubhurya obhuhoru bhwa koko. Nawe, omuntu unú araruusya obhuhoru bhwaye kurusumo rwani, arinyoora obhuhoru bhwa koko.

Yeesu akamukeerya ega, “Omuntu wowonse araabhe kya omuntu unú yaambiri okugoomya, amare yeekyukye amaahirire enyuma, uyo atakwenderwa okubha omugaya kubhukama bhwa Waryubha.”

Omuntu arinyoora obhwera-ki, nyoore araanyoore ebhintu bhyonsego bhya ekyaro kinu, nawe, abhurirye obhuhoru bhwa koko?

“Wowonse unú arandorera eginsoni oni, na ameehigiryo gaani, uyo ngʼo oni Omwana wa Adamu wonse ndimurorera eginsoni, runú ndihunjuka okurwa murwire, na bhamaraika abharabhu, ndingi mubhukuru bhwani na mubhukuru bhwa Taata.

Yeesu wonse akamukyukya ega, “Ebhibhwe bhiina amasana na ebhinyonyi bhiina amasu, nawe, Omwana wa Adamu, ataana kora aha okuraarya omutwe gwaye!”

akabhakeerya ega, “Omuntu unú araamugenihye omwana kya unu, kwa eriina ryani, arangenihya oni. Na omuntu wowonse unú arangenihya oni, aramugenihya Waryubha unú yaantuma. Kwa okubha, omuke gati yeenyu bhonsego, uyo ngʼo omukuru okukira bhonsego.”