Папулярныя біблейскія вершы з Lukâs 14

Падзяліцца

“Wù way ani dòʼò dzə̀ tsə̀ndii wam nə̀ ù liə way miə tsìy fyi tè we, moo zə̂ we, moo wìy we, moo awa we, moo awizə̂ we, nə̀ ùwee u we wiy.

Wù wə̀ ù də kə̀ boʼò kə nəway kâʼ fə təzəd fə we fiy, dzwùmi bə̀ mìə̀, ù way dzə ani dòʼò tsə̀ndii yam.”

Aghû yə̀ adzə̀m ghu kwoʼo nəniy iwe yiy Zə̀kìy kî nìy tswi tsə ŋwò ghu, a kwuni bû à yu ghu nîy tswi tsə iwe i ghu yiy, Zə̀kìy kî nìy kwoʼo kə ŋwòə ghu.”

Yesù ə dzày kəd tsə nə̀, “A də ighəd, wù way ani dòʼò dzə̀ tsə̀ndii yam abu ù də kə̀ twe na tsə ufyiə wə ù kwu nəniy ùdzə̀m.”

Abu wù lìy anə uzə ghii dziy byiə ndàw ì sòŋə̀ yìy, ù we dyòʼò tsə ŋwò ani liay tsə nə̀ ghe kwu ntàŋə̀ ùkhiy səkiy, nə̀ ukhiy wə̀ kì kpe kə ŋwò anə fàʼ kə̀, moo u kì kpe way ə? Abu ù də kə̀ zəŋi nəway ghii, ù fwukə tsə tsə kə ndaw kiy tàʼà kə̀ mây, aghê ki kôʼ, ghu kaʼ we ani lwuni. Ghu ki dziy tsə nə̀, “Kòʼo kə nənìy wù wə̀ ù kaʼ tsə ndaw ani byiə kə̀ mây.”

Abu wò kwu nəniy inyi yiy, kwuni nàmə tsə aghê à la yiy, nə̀ aghee uŋkyoŋi, nə̀ àghù yə̀ ghu pfə doʼò bə̂dkə̀bə̂d, nə̀ àghè à fɛbə. Tə̀ Zə̀kìy ki lwî wò, aŋwòə ndzòʼò àghù yə̀ wày dzə ani tsə dzwoŋi dzə̀ wò. Zə̀kìy ni tsə wô abu ù nì tsəə nəniy aghû yə̀ ghu də tsitsi, abu aghê nî zɛ̀mə̀ kə.”

“Ntsòʼ mìy dzwabə̀ ŋwò, abu ìn kwuni kwuŋ fyi tsə nəniy, kàmə̀ twabə way, ghu də ani zəŋi mə̀yiə tə̀ ìn kàm twab ə? Ìn mbòʼò dzwàbə̀ wày ani fə̀lì màʼà a mbvə̀dintsə, moo ani fàʼ yəə à də̀ udzə. Aghê maŋə̀ myìʼà yə̀ a bee. Wù wə̀ ù kwu nəniy utswuŋi wiy, u zuw ayiə yə mə dzây!”