Папулярныя біблейскія вершы з Lukâs 21

Падзяліцца

Ghà ə yemì tsə, ghà si tsəŋ kwu kə ani gwùŋì tə̀ Zə̀kìy ki nyiə̀ ghà nə̀ daʼa kiy ani tsìy anə ayiə yə, tə̀ ghà ki də ani zù təmi yə̀ akə̀lə̀ Wà Wù.”

Kəə gha ə nə̀ nyàbə̀ soŋə fəli fiy nə̀ ghà moʼò ani nyiə muə mə̀nlwù, moo ghà si fyimə fòŋ tii tiy kwùmə̀ yə̀ nə̀ ùfyiə u mbyi wiy. Abu à də wày aghii, ntsuk fə isaʼ fiy ni bû nə̀ ghǎ kə̀ kəli na nəway.

Ghà ə təmi dòʼò taw tsə, tə̀ ghà ni nyi itsâ.”

Mə ki nyə̀ ŋwò gha nə ùtwab wiy ani kəli tsə iyiə yə ghà kî dzîy nəniy. Wù ùmòʼanə aghù yə̀ ghu bâ nəniy gha, kî wày dzə ani twe màʼà àyiə ghi à dziy yiy, moo səay ayiə ghi à dziy yiy.

Kəbyiwuŋ nə̀ mbvə̀dintsə kiy nî mìy ŋwò, dzə̀ yam nî kwuni mày kòʼ wày.

“Ayiə àfyiə yiy nî fyiə ŋwò anə inyi, nə̀ anə ndzoŋ, nə̀ anə mə̀nsǐbə̂d. Ndə̀mə̀ àghù anə nàʼà tə̀dzə̀m an-a-mbvə̀dintsə nî tsəŋə bòʼ mbuw kə dzwì ì nè yə̀ kə tsîy nəniy nə̀ yəə kə kwô bə̂ soʼò. Aghê ni tsəŋ, fôŋ tə ghu tiy ni tu fyi sòʼò bòʼ àyiə yə a nî fyiə nəniy anə mbyi. Ufyiə wə u kwu nəniy daʼa kiy an-a-vələ u ni sə̀kì tsə. Anə sòŋə fə ghà fə, ghu ni kòʼ Wà Wù bè nəniy anə təmbàʼ nə̀ daʼa kiy nə̀ ìmwày ìsoŋə yìy.

Aghê dzə̀mə̀ ni dzwə nə̀ ghà bòʼ mìə̀.

Mbvə̀dinstsə kiy ni səkìy, kə bəlì anə ndə̀m ə̀ tə̀lòʼo. Dzoŋ ni də soʼo. Ndə̀mə̀ tədzàŋə̀ ni də sòʼò. Ndə̀mə̀ àyiə àfyia yiy nî fyiə ŋwò ani zəŋə nə̀ aghê si tsəŋə.

Abu ghà nî zuw ayiə yiy kwùmə̀ yə̀ tsam, kwùmə̀ yə̀ sòʼò nə̀ ìdə̀m yə̀ i də nəniy ani bù nə̀ ŋgə̀d kìy anə inaʼ, kəə ghà ə nə̀ tsəŋə. Ayiə yə àdzə̀m nî fyiə kə dzə̀ isə, a nî kwunə dè dzə̀ wày nə̀ mbyi mə mày. U tsìy yə̀ kə nə̀ sə kiy ani dzày nə̀ “Naʼà tìy ni ŋwaa nə̀ nàʼà tə̀liy tiy, ùdòŋ u tənàʼà nə̀ sǔgôʼ tə ghu tiy ni ŋwaa nə̀ ùdòŋ u nàʼà tə̀liy tiy nə̀ sǔgôʼ tə ghu tiy.

“Ayiə àfyiə yiy nî fyiə ŋwò anə inyi, nə̀ anə ndzoŋ, nə̀ anə mə̀nsǐbə̂d. Ndə̀mə̀ àghù anə nàʼà tə̀dzə̀m an-a-mbvə̀dintsə nî tsəŋə bòʼ mbuw kə dzwì ì nè yə̀ kə tsîy nəniy nə̀ yəə kə kwô bə̂ soʼò. Aghê ni tsəŋ, fôŋ tə ghu tiy ni tu fyi sòʼò bòʼ àyiə yə a nî fyiə nəniy anə mbyi. Ufyiə wə u kwu nəniy daʼa kiy an-a-vələ u ni sə̀kì tsə.

U tsìy yə̀ kə nə̀ sə kiy ani dzày nə̀ “Naʼà tìy ni ŋwaa nə̀ nàʼà tə̀liy tiy, ùdòŋ u tənàʼà nə̀ sǔgôʼ tə ghu tiy ni ŋwaa nə̀ ùdòŋ u nàʼà tə̀liy tiy nə̀ sǔgôʼ tə ghu tiy.

Yesù ə bə̀lì kə a ghu nə̀, “Ghà nîy tsə iyemì, kəə wù lìy nə̀ nɛbə gha. Ndə̀mə̀ àghè nî bè ŋwò anə izəd yam, ghu ni dziy nə̀, ‘Mə də we’, Dzìy sòʼò nə̀ soŋə̀ fə ghà fə̀ mə kpe, Ikghu ghà ə nə̀ dzwùmə̀ dzə̂ ghu.”