Папулярныя біблейскія вершы з Yohana 11

Падзяліцца

UYesu akumuhigaga iitigilaga, “Uneene ndili ludzulubuko nu wuumi. Umuunu ye avedzaga ye akuufuuwa, nde avedze iifuwa, iivedza muumi. Ye avedzaga ye ali muumi, kangi akuufuuwa asilaafuwa mbeepali. Wiifuuwa ulo?”

UYesu akumulongelaga iitigilaga, “Ongo, sindikulongiye ukutigila, ngana ukuufuuwa uneene, uhadza ukudziwona indolo dza Nguluvi?”

UYesu iivembaga.

UYesu pe aapuliike ulo, iitigilaga, “Uwutamwa uwo si wa kumukoma uLasalo, nda haamu, wiiwoneesa indolo dza Nguluvi, ukuta uMuswamuve va Nguluvi aanukile indolo wugendela wa wutamwa uwo.”

UYesu aaviye álongile idzo, iikwinusaga isawuti, iikemeelaga iitigilaga, “Lasalo, uhume kwivala!” Neke uyo ye aali áfuwe, ahumage kwivala, kuno ápilingiidzwe imyenda imivalafu mu magulu na mu mawoko, kangi vámugubiike na kenda ku miiho. UYesu akuvalongelaga avaanu avo iitigilaga, “Mumuwopole imyenda igyo, mumuleke ahelelage.”

Neke uYesu afikage ku mombwe, kuno apila áviipile. Imombwe iyo yaali manga iyaadindiilwe ni liganga likomi pa mulyango.

Pe aaviye álongile idzo, akuvalongelaga avanyigendwa vaakwe iitigilaga, “Umudzeela veesu uLasalo ágoneeliye, lino ndiihelela kumulamusa.”