Папулярныя біблейскія вершы з Yohana 15

Падзяліцца

“Uneene gwe musabibu, unyeenye muli fipagwa. Umuunu ye iisigala mugati umwangu, na yuune ndiisigala mugati umwakwe, uyo ahadza iiveleka ifiveleko fyoloofu, pakuva kingaya neene musiilima kikivedzaga.

Musigalage mugati umwangu, apo na yuune ndiisigala mugati umwenyo. Ngita ikipagwa ve kiilemwa ukuveleka kyene ngana kisisigiye mu musabibu, ndeeni na yuunye mwilemwa ukuveleka ifiveleko ngana musisigiye mugati umwangu.

Ngana mukwikala mugati umwangu na madzwi gangu gakwikala mugati umwenyo, apo mumunyilikage uDaada kikivedzaga kye mwisaka, ahadza akuvapeela.

Mu ulo, unyeenye simwaanyaaguwe uneene, nda haamu, uneene ndavahaaguwe unyeenye, ukuta muvelekage ifiveleko ifisiisila nambi. Wiimila wa ulo, uDaada ahadza akuvapeela kikivedzaga kye mukumunyilika mu litaawa lyangu.

Sikwali umunya wende wukomi ukulutila uwu, ukutigila iitawule ukufuwa wiimila wa vadzeela vaakwe.

Ikipagwa kikivedzaga mugati umwangu ikisiiveleka ifiveleko, uDaada akukidumula nu kukihedza. Kangi ikipagwa kikivedzaga ikiiveleka ifiveleko, uDaada akukipagulila, ukuta kivelekage hiilo.

Ululagi lwangu lwe ulu, mwiyendage ngita uneene kye ndíveendile unyeenye.

Indolo dza Daada dziiwoneka pe mwiveleka ifiveleko fyoloofu, kangi mukwiwoneesa ukuvedza vanyigendwa vangu.

UYesu iiginaga ukuvawulanidza iitigilaga, “Uneene gwe musabibu gwa ndakyene, uDaada ye mulimi.

Umuunu ye asikwikala mugati umwangu, uyo ahadza iihwanana ni kipagwa ikiitaagwa nu kuuma. Ifipagwa ngita ikipagwa ikyo, avaanu vakufihola nu kufitaaga mu mooto, ukuta fipiye.

“Ndívalongiye dzonda idzo, ukuta ulukeelo lwangu luvedzage mugati umwenyo, nu lukeelo lwenyo luvedzage lukwilifu.

Ngana mukudziidika indagi dzangu, muhadza mwisigala mu wende wangu, ngita uneene kye ndídziidiike indagi dza Daada nu kusigala mu wende waakwe.

Suwe ululagi lwangu lwe ulu, mwiyendage.”

Ngana mukali muvedzage vaanu va mwe naanyi, apo ngali váveendile ngita kye vakuveenda avayaawo. Neke kangi unyeenye musili vaanu va mwe naanyi umu, pakuva ndívahaaguwe ukuhuma mwe naanyi umu, lwe lwene avaanu va mwe naanyi umu, vakuvasuula.