Папулярныя біблейскія вершы з Yohana 19

Падзяліцца

UYesu pe ágedziidze idifwayi iyo, iilongaga ukutigila, “Amalimo gangu gákwiliye!” Neke iinamidzage umutuwe, gwidumukaga.

UYesu aadzeeliye ukutigila, ámalile ukulima amalimo gaakwe gonda. Neke atigilage, “Ndíkelwike.” Idzo dzaahumiye, ukuta amadzwi ga Wusimbe uWiimike gakwile.

UYesu pe amuweene ungʼina nu munyigendwa ye amwendile, íimile biihi nu ngʼina, iitigilaga, “Yuuva, lolage uyo ye muswamuwo.” Neke amulongelage umunyigendwa uyo atigilage, “Lolage, uyo ye yuuwo.” Ukuvangila umusika ugo, umunyigendwa uyo akumunyamulaga ungʼina va Yesu, akwikalaga nave ku kaaya yaakwe.

Neke kangi pe viihelela kwa Yesu, viiwonaga áfuwe, viilekaga ukumudeenya amagulu. Umukolakyanda yumwinga akumuhomaga uYesu nu mugoha pa lubafu. Umusika guugo, idanda nu lulenga fiihumaga.

Idzo dzaahumiye ukuta amadzwi ga Wusimbe uWiimike gakwile, agiitigila, “Sikookili nambe kidzege kyakwe kimwinga ikilaadeenyeka.” Kangi uWusimbe uWiimike wiilonga ukutigila, “Valaadza mu kumulola ye vámuhomile.”

UYesu iihegaga kuno ányamuwe ikipindulihidzo kyakwe, iihelelaga apoono apiitambulwa Goligota, mu ndongele ya veeneka kwe kutigila, Libangʼa lya Mutuwe.

Avakolakyanda viitivaga ingeela ya miifwa, vakumufwalidzaga pa mutuwe. Kangi vakumufwalidzaga umwingila gwa mulangalanga.