Папулярныя біблейскія вершы з YOANO 15

Падзяліцца

Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami.

Twamenu muli yami, ni yami muli yenu. Chizechene ngwe mutango kuwahashile kwima mihuko ukawawo, shina muutwama mu vindera; chipwe yenu kunuchi kuhasa, shina munutwama muli yami.

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Zango liahiana lino keshi nalio niumwe, kachi umwe matumbika mwono wenyi hali tusendo twenyi.

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Yino ye shimbi yami, nukalizange umwe ni mukwo ni mukwo, chizechene ngwe yami hingunanuzange.

Mu chino machichimieka Tata, nyi munwima mihuko yinji; ni chocho kumunukapwa tumbaji twami.

Vindera yamwenemwene yami, ni Tata iye njimi.

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yino yuma ngunanwambeyo, hanga nukalizange umwe ni mukwo ni mukwo.

Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole.