Папулярныя біблейскія вершы з मत्तय 7

Падзяліцца

तुमले जे पाहिजे ते परमेश्वर पासून मांगा आणि तो तुमले दिन. झामला, त तुमले सापडीन, ठोका, त तुमना साठे उघाळामा ईन.

कारण कि जो कोणी मांगस, तेले भेटस, आणि जो झामलस, तेले सापडस, आणि जो ठोकस, तेना साठे उघाळामा ईन.

एनासाठे जो कोणी मना या गोष्टी आयकीसन तेस्ले माणस तो त्या बुद्धीमान माणुस सारखा ठरीन, जेनी आपला घर ना पाया खडक वर बनाव.

ह्या मुळे प्रत्येक टाईम ले, दुसरास्ले आपला साठे जसा कराना देखतस, तुमी बी तेस्ना साठे तसाच व्यवहार करा, कारण कि मोशे ना नियम आणि भविष्यवक्तास्ना लिखाना अर्थ हईच शे.

कारण अरुंद शे तो दरवाजा आणि कठीण शे तो रस्ता जो कायम ना जीवन ले भिळावस, आणि थोडासाच लोक शेतस जो तेस्ले भेटीन.

तुमी फक्त अरुंद दरवाजा कणच परमेश्वर ना राज्य मा जावू सकतस. कारण कि नरक ले जानार दरवाजा चवळा शे, आणि तठे जानारा रस्ता सरळ शे, आणि तेना मधून जानारा लोक गैरा शेतस.

एनासाठे जव तुमी वाईट हुईसन, आपला पोरस्ले चांगल्या वस्तू देवाना देखतस, त तुमना स्वर्ग मधला बाप आपला मांगनारस्ले चांगली वस्तू निश्चित रूप मा दिन.

दोष नका लावा, त तुमना वर बी दोष लावामा नई येवाव. कारण ज्या प्रकारे तुमी दोष लावतस, त्याच प्रकारे परमेश्वर तुमना न्याय करीन, आणि ज्या प्रकारे, तुमी दुसरास्ना न्याय करस त, तुमना बी न्याय करामा ईन.

पण जो कोणी मना ह्या गोष्टीस्ले आयकस आणि तेनावर नई चालस, तो त्या मूर्ख माणुस सारखा ठरीन, जेनी आपल घर रेती वर बनाव.

तू आपला मित्र ना धाकली चुकी मुळे न्याय काब करस, जो कि डोया मा फपुटाना सारखा शे, जव कि तुना जीवन मा मोठ्या चुक्या शेतस, ज्या कि तुना डोया मा बांडूक ना सारखा शेतस. जर तुना स्वता ना मधमा गैरा मोठ्या चुका शेतस, त तुले स्वता तून धाकला चुक्या वाला कोणी व्यक्ती नि मदत कराना प्रयत्न नई कराले पाहिजे.

खोटा भविष्यवक्तास पासून सावधान राहा, कारण कि त्या लांडगास सारखा शेतस जेस्नी स्वता ले मेंढ्यास्नी खाल कण झाकेल शेतस, लोकस्ले हय विश्वास देवाळा साठे कि त्या मेंढ्या शेतस, पण त्या खरज मा त्या लांडगा शेतस ज्या लोकस वर हमला करतस. ज्या प्रकारे त्या जीवन जगतस, तुमी तेस्ले ओयखी लेशान. काय लोक झाळस कण अंगूर, व रिंगणीना झाळ कण अंजिर तोडतस?

ह्याच प्रकारे प्रत्येक चांगला झाळ चांगला फय लयस, आणि वायबार झाळ खराब फय लयस.

चांगला झाळ खराब फय नई लयु सकस, आणि नईत वायबार झाळ चांगल फय लयु सकस.

जो-जो झाळ चांगल फय नई लयस, तो कापामा आणि आग मा टाकामा येस, खोटा भविष्यवक्तास्ले बी ह्याच प्रमाणे दंड देवामा ईन.