Папулярныя біблейскія вершы з मत्तय 9

Падзяліцца

तव तेनी आपला शिष्यस्ले सांग, ज्या प्रकारे वावरस्मा गैरा पिक ऱ्हास, असा गैरा लोक शेतस ज्या परमेश्वर ना वचन ले आयकाना साठे तयार शे. पण परमेश्वर ना राज्य ना बारामा सांगाणा साठे लोक कमी शेतस. एनासाठे पिक ना मालक ले विनंती करा, कि तो आखो मजुर धाळो, कि त्या लोकस्ले राज्य ना बारामा सांगोत.

एनासाठे तुमी जाईसन एना अर्थ सीखील्या, कि मी माणसस कण बलिदान नि ईच्छा नई ठेवस पण ईच्छा करस कि त्या दुसरास्वर दया करोत, कारण कि मी धर्मीस्ले नई पण पापिस्ले बलावाले एयेल शे कि त्या आपला पापस पासून मन फिरावा.

जव तो त्या मोठ्ठी गर्दिले देखना, त तेले लोकस वर दया उणी, कारण कि तेस्ना कळे कोणी नई होता जो चांगला प्रकारे तेस्नी नेतृत्व करू सकस, आणि तेस्नी देखभाल करू सकस, ठीक तसाच जसा बिगर मेंडपाळ ना मेंढ्या. व्याकुळ आणि भटकेल सारखा होतात.

हय आयकीसन येशु नि तेस्ले सांग, डाक्टर नि गरज चांगलास साठे नई पण आजारी ना साठे शे.

तव येशु आणि तेना शिष्य गालील जिल्हा ना कईक शहर आणि धाकला गावस मधून ग्यात, आणि त्या जागा ना प्रार्थना घरस्मा शिकाळत, आणि परमेश्वर ना राज्य नि सुवार्ता शिकाळत फिरणा, आणि लोकस्ना हर प्रकार ना आजारस्ले आणि कमजोरीस्ले दूर करत ऱ्हायना.