Папулярныя біблейскія вершы з Luc 9

Падзяліцца

Vane, ayambile batu botsu babe: «Pasi re gu mutu warondi mbinge, abusi binge mambu me yandi beni garondi guvage. Ayibi akike wisi wotsu gu gusindile mukengu kwangene gu dufu, abingi nzile yi menu nyavyogili.»

Mbare kepagere mutu warondi bandekene monyu andi ve butambe agutsyemuse monyu yi mwendu ne mwendu. Tumbe kepagere mutu wapagili gitu, wasise mambu motsu me butambe gukyelu ami, agudenge monyu yi mwendu ne mwendu.

Sesu negumwagule re «Pasi mutu amapakile gidyanzu ayakunde gengise nzime munongu mosi ne mutu wa pakili mbinge. Pasi re amakunde pikile monyu andi yi gulu gidyanzu gi andi gisagube giboti gu bulongu bu Nyambi.»

Pasi re mutu ane mbili meboti me bulongu mu butambe, tumbe gere a sandi ne monyu mwendu ne mwendu, pasi re amafu meboti mane mekine musumbu? Nesi.

Kepagere mutu wu gunyulu gisoni, wugulu ndongi tsi ami gisoni menu gwami Mwane Mutu nzagumusinge ve nigurugile ne bundumbe bu ami, bu taye ami ne bu byanze bi Nyambi.

Sesu negumwagule re «Bibagu bene midunge mi baningilili, nyoni bene mubu. Tumbe Menu Mwane Mutu nzane mbure yi guningilile.»

Sesu negubambile re «Kepagere mutu wabandekeni mwane mugegi gukyelu ami, mebeni agabandekeni. Wotsu wambandekeni agabandekeni gwandi mutu wusetume. Mbare wotsu wu mugegi vegari yenu botsu yandi re givunde.»