Папулярныя біблейскія вершы з मत्ती 18

Падзяліцца

किबेकी ज़खे दुई या चिण मेरे ना का कट्ठे हुँदा, तखे हाऊं त्याह मेंझे हुँदा।

याह भी हाऊं तमाबे सच बोला कि, तमा मेज़ा का दुई जन धरती में कासु गला री तणी एकमन होई करे तेऊ का मागले, तेबा मेरे बापू री तरफा का जोह स्वर्गा में साहा, तयाबे हूँणी।

तेबा यीशु एक बालक आपु सेटा शादी करे त्याहा रै सामने खड़अ करू, होर बोलू, हाऊं तमाबे सच बोला, कि जेबरे तणी तमे मना ना फिराए होर बालका साही ना बणे, तमे स्वर्गा रे राज्य में प्रबेश नांई करी सकते।

जोह कोई आपणे आपु बे तेऊ बालका साही होछअ समझे, सह स्वर्गा रे राज्य में बडअ हूँणअं।

होर जोह कोई मेरे ना का एक एडे बालका ग्रहण करा सह महा ग्रहण करा।

हाऊं तमाबे सच बोला, जोह कुछ तमे धरती में बानले, सहे स्वर्गा में बान्णा होर जोह कुछ तमे धरती में खोल्ले, सह स्वर्गे भी खुलणा।

एउ साबे अगर तमा मेंज़ा का हर एक आपणे बुशाह करने आलअ भाई रे पापा पुरे मना का क्षमा नांई करलअ, तेबा मेरअ स्वर्गीय बापू जोह स्वर्गा में साहा, तमा का भी तेडा ही करना।

पर जोह कोई याह होछे मेंजा का जोह महा में बुशाह करा एकु बै ठोकर दे, तेऊबै भला हुँदा कि बडी चक्की रअ पाट तेऊरे गले लटकाउंदा होर डूघे समुद्र डबोऊदा।

तमे कैह सोचा? अगर कासु मणशा री शअ भेडा हो, त्याह मेंज़ा का एक गोझे, तेबा कैह तेऊ निन्यानबे भेडा सुरक्षा आली जागहा छाडी करे, होर पहाडा मेंजे तेसा गोजण दीणा, की सह गोझी दी भेड़ नांई लोडनी?