Папулярныя біблейскія вершы з लूका 24

Падзяліцца

और मै अप्निहीँ तुहुरिन्के उप्पर पवित्र आत्माहे पठैम, जेहँका वाचा मोरिक बाबा कर्ले बा। पर जबसम तुहुरिन्हे स्वर्गमेसे शक्ति नै मिली, तबसम नगरमे तुहुरे अँस्यैती रहहो।”

येशू यहाँ नै हुइताँ, पर जित्ती होके उठ्गिल बताँ। गालील प्रदेशमे रहलमे ऊ तुहुरिन्हे का कहल रहिँत, वहे बातहे सम्झो

तब ओइन्के आँखीहे परमेश्वर हेरे सेक्ना बनादेलिन और ओइने येशूहे चिहिन्लेलाँ। पर तब्बेहेँ येशू ओइन्के नजरमेसे अलप होगिलाँ। ओइने आपसमे कलाँ, “जब ऊ डगरमे हम्रिहिन्हे सम्झाइतिहिँत, और पवित्र शास्त्रक मतलब बयान करतिहिँत ते का हमार मन नै हौसल रहे?”

तब येशू ओइन्हे कलाँ, “पवित्र शास्त्रमे असिक लिखल बा कि ख्रीष्ट दु:ख उठाई। और तेसर दिनमे मुअलमेसे जित्ती होजाई। और यरुशलेम शहरमेसे सुरु करके सक्कु जातिनमे हुँकार नाउँमे मन बदलके ओइन्के पाप करे छोर्नक बारेमे और पाप माफिक प्रचार करजाई।

ओइने पठराहे चिहानमेसे हटाइल भेटैलाँ। पर जब भित्तर गैलाँ ते ओइने प्रभु येशूक शरीर नै भेटैलाँ।