Папулярныя біблейскія вершы з Zwz Nduq 15

Падзяліцца

Yaqbozlanh sinq YEZ'HOAHHUAH. YEZ'HOAHHUAH zoq rongx dix hoak sowh goanz gaemz hax mboq miz naeh.

Gvaq mbaed saeh naeh yaq, YEZ'HOAHHUAH hawj Yaqbozlanh daj paen'hwnz dungzlumj ruxnyinz YEZ'HOAHHUAH daj dix hax kauq. YEZ'HOAHHUAH hax: " Yaqbozlanh , laek mbu. Gux zawh mbangh dwnqpaih yaz mawz naeh. Gux aeu hawj mawz lai taeuq."

Yaq YEZ'HOAHHUAH zowz dix bae baihnog daj dix hax: "Mawz lez mwz ndaw fax, anq ndaundiq, lez mawz anq baenz mbaeuq. Gux hawj luglan mawz lai daj ndaundiq dungzlumj."

Yaq YEZ'HOAHHUAH daeuq daj dix hax: "Puj koij mawz Yixliqyixceq mboq rux zawh goanz sup mawz. Mizgaj lugndiang mawz zux zawh goanz sup mawz."

YEZ'HOAHHUAH daj dix hax: "Ndaw zaw mawz ruxndeq zuxbaenz, mwznaj luglan mawz bae dih daenh dex ndowj mboqyaq, zoah hoak koij daenh, dij goanz dih naeh vazkuz paenqdix siq baeg bi.

Gaj Yaqbozlanh yaeng dix: "YEZ'HOAHHUAH, Zaeuj aj, gux ndowj gaenhnaeh naengz mboq miz lug, mawz aeu hawj gux lai, gux aeu hoak gaeng mux? Mbaedmawq za'dangq gux zawh aeu hawj Yixliqyixceq goanz Daqmaxseqgowh naeh naeujngaz.

YEZ'HOAHHUAH daj Yaqbozlanh dungzdingq hax: "Gux hoak rawz goj aeu dih naeh hawj luglan mawz, dih naeh daeq ka dah Aizjih mwz taengdiak ka dah long Yaeuqfahlazdix .

Taeng luglan mawz zoh daih siq naeh, paenqdix zoq daeuq dauh maz inxnaeh, unj, taeng zwz naeh puj Yaqmoahliq zoq mbowq tumj to, zoq zoah eh. Gaj doiq gaenq hoakri mawz maz hax, hawj mawz mingh riz, zaeu jeq, tai zwzrawz tai vangqdangh. Miz dij goanz aeu mawz mwz moak."