Папулярныя біблейскія вершы з ᤗᤠᤶᤍᤡᤰ 12

Падзяліцца

“‘ᤂᤧᤴ ᤛᤧᤴᤍᤡᤰ ᤀᤠᤱᤃᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤐᤥᤱᤅᤠᤀᤠᤱ ᤐᤣ᤺ᤰᤁᤠ ᤜᤧᤰᤁᤩᤠᤱ ᤔᤡᤛᤪᤀᤥ ᤁᤧᤘᤠ᤹ᤒᤠ ᤁᤧᤖᤧᤰ ᤋᤢᤶᤒᤠ ᤛᤠᤜᤠ᤹ ᤏᤢ ᤐᤡᤳ ᤌᤰᤛᤠᤜᤠ᤹ᤖᤧ ᤋᤃᤡ ᤔᤧᤎᤠᤵᤋᤢᤛᤡᤒᤠ ᤐᤡᤳᤛᤠᤳᤜᤠ᤹ ᤀᤠᤱᤃᤠ᤹ ᤛᤩᤧᤖᤢᤱᤛᤡᤱ᤹ ᤜᤧᤰᤁᤩᤠᤱ ᤔᤡᤛᤪᤒᤠ ᤁᤧᤖᤧᤰ ᤔᤠᤱᤜᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱ᤹॥ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤀᤠ॥ ᤂᤡᤏᤡ᤹ ᤁᤧᤕᤢᤅᤡᤒᤠ ᤜᤡᤶᤜᤠ᤹ᤀᤥ ᤗᤠᤶᤎᤣᤳ ᤛᤡᤳᤗᤠᤱᤅᤥ ᤜᤢ᤺ᤵᤔᤏᤠᤀᤠᤱ ᤁᤧᤒᤵᤐᤠ ᤂᤧᤴ ᤔᤠᤰᤂᤡᤴ ᤔᤡᤰᤛᤣ᤺ᤴ ᤐᤥᤱ᤹॥ ᤂᤧᤴ ᤔᤠᤰᤂᤡᤴ ᤀᤠᤱᤃᤠ᤹ ᤏᤡᤛᤢᤱᤅᤠᤱ ᤀᤠᤱᤃᤠ᤹ ᤂᤡᤏᤡ᤹ ᤁᤠ᤺ᤰᤏᤡᤱ ᤌᤠᤏᤡᤱ᤹ ᤜᤧᤰᤁᤩᤠᤱ ᤀᤠᤱᤃᤠ᤹ ᤔᤡᤛᤪᤡᤜᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱᤒᤠ ᤀᤠᤳᤋᤡᤴ ᤔᤡᤱᤍᤣ᤹ᤀᤡᤸᤗᤧᤀᤠᤱ ᤂᤡᤏᤡ᤹ ᤁᤧᤴᤇᤢᤛᤡᤴ॥

“‘ᤂᤧᤴ ᤕᤧᤴᤏᤥ ᤂᤡᤏᤡ᤹ ᤗᤳᤇᤠ ᤛᤠᤶᤕᤥᤒᤠ ᤋᤱᤏᤠᤶ ᤌᤡᤰ ᤁᤧᤍᤥᤛᤢᤶ᤹ ᤜᤧᤰᤁᤩᤠᤱ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤧᤸᤗᤧ ᤌᤧᤔᤠ ᤆᤥᤃᤢᤱᤅᤠᤱ ᤘᤕᤧ ᤂᤧᤴ ᤋᤱᤏᤠᤶᤔᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤛᤢᤶ ᤋᤠᤖᤢ ᤁᤧᤒᤡᤖᤡ᤹॥ ᤂᤧᤴ ᤋᤱᤏᤠᤶᤔᤡᤴ ᤛᤍᤠᤍᤡᤱᤗᤧ ᤗᤠᤃᤡ ᤁᤧᤍᤠᤒᤠ ᤕᤧᤴᤜᤠ᤹ᤀᤥ ᤋᤥᤛᤧᤶᤔᤧ᤹॥’”

ᤀᤠᤸᤗ ᤂᤡᤏᤡ᤹ ᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤁᤴ ᤋᤱᤏᤠᤶᤔᤡᤸᤗᤧ ᤁᤢᤒᤣᤴ ᤌᤧᤔᤠᤒᤣ ᤑᤠ᤹ᤀᤠᤱ ᤛᤣ᤺ᤴᤁᤧᤶᤍᤥᤛᤡ᤹. ᤂᤧᤒᤩᤠᤱ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤠᤶᤛᤡᤶᤔᤧ᤹. ‘ᤁᤴ ᤕᤜᤘᤣ ᤍᤠᤱᤒᤧᤴ ᤔᤡᤱᤛᤥ ᤀᤡᤱᤎᤠᤱ ᤐᤡᤔᤏᤠᤀᤠᤱ ᤋᤥ᤺ᤶᤔᤏᤠᤒᤠ ᤁᤠ᤺ᤰᤔᤠᤀᤠᤱ ᤗᤧᤵᤔᤏᤠᤒᤠ ᤘᤕᤠᤃᤧᤴ ᤛᤡᤍᤢᤱᤈᤓᤠ ᤋᤱᤏᤠᤶᤗᤥ ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤔᤡᤛᤪᤀᤥ ᤁᤧᤏᤧᤒᤠ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤜᤠ᤹ ᤁᤠ᤺ᤰᤋᤢᤀᤠᤱ ᤐᤣ᤺ᤸᤗᤧ ᤂᤢᤏᤧ᤹ ᤔᤡᤛᤪᤡᤜᤠ᤹ ᤛᤩᤧᤖᤢᤛᤡ ᤁᤖᤛᤠᤱ ᤀᤠᤏᤡ᤹ ᤀᤡᤛᤪᤠᤀᤡᤗᤡᤜᤠ᤹ ᤀᤠᤍᤠᤱᤄᤧᤀᤠᤱ ᤘᤕᤧ॥’” ᤂᤧᤒᤩᤠᤱ ᤀᤡᤛᤪᤠᤀᤡᤗᤡᤜᤠ᤹ ᤌᤢᤱᤒᤥᤜᤈ᤹ ᤔᤧᤕᤢᤱᤛᤡᤱᤅᤠᤱ ᤕᤜᤘᤣ ᤍᤠᤱᤒᤠᤴ ᤔᤠᤱᤛᤧᤘᤠ ᤔᤧᤔᤧᤳᤋᤢ॥