Папулярныя біблейскія вершы з ᤗᤠᤶᤍᤡᤰ 5

Падзяліцца

ᤂᤧᤴ ᤀᤣᤃᤠᤱ ᤔᤥᤛᤠᤴ ᤏᤢ ᤜᤠᤖᤢᤏᤧᤴ ᤔᤡᤛᤪᤒᤠ ᤜᤠᤱᤅᤧᤀᤥ ᤐᤣᤛᤧᤳᤇᤡᤀᤠᤱ ᤔᤧᤳᤋᤧᤛᤢ. “ᤀᤡᤛᤪᤠᤀᤡᤗᤒᤠ ᤏᤡᤱᤘᤠ᤹ᤑᤢᤔᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢ᤹. ‘ᤀᤠᤱᤃᤠ᤹ ᤀᤠᤔᤏᤠᤜᤠ᤹ ᤐᤣ᤺ᤰᤔᤠ ᤑᤠ᤺ᤰᤋᤧᤛᤧ᤹ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤀᤠᤱᤃᤠ᤹ ᤔᤠᤱᤛᤧᤘᤠ ᤔᤧᤵᤔᤠᤖᤧ ᤗᤠᤃᤡ ᤗᤳᤇᤠ ᤋᤱᤏᤠᤶᤎᤡᤰ ᤔᤧᤍᤥᤛᤢᤖ॥’”

ᤂᤧᤏᤧ᤹ ᤁᤧᤔᤡᤱᤅᤥ ᤀᤠᤱᤃᤠ᤹ ᤐᤣᤃᤠᤱᤅᤠᤱ ᤜᤠᤱᤅᤡᤴᤏᤢ ᤐᤠᤖᤠᤱᤒᤠ ᤕᤧᤶᤔᤠᤱᤎᤥ ᤂᤧᤸᤗᤧ ᤁᤴᤜᤠ᤹ ᤀᤠᤸᤗᤛᤠᤱ ᤛᤠ᤹ᤖᤡᤰ ᤋᤠᤵᤑᤧ᤺ᤸᤗᤡᤰ ᤔᤧᤳᤋᤢᤛᤡᤀᤠᤱ ᤘᤠ᤹॥ ᤁᤴᤜᤠ᤹ ᤛᤧᤶᤔᤠᤛᤡᤖᤧ ᤗᤠᤃᤡ ᤂᤧᤏᤧ᤹ ᤌᤧᤔᤠᤀᤠᤱ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤖᤥ॥”

ᤂᤧᤒᤩᤠᤱ ᤔᤥᤛᤠᤴ ᤕᤠᤶᤔᤥ ᤕᤜᤘᤣ ᤍᤠᤱᤒᤠᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤐᤠ᤺ᤳᤋᤢ. “ᤕᤜᤘᤣ ᤍᤠᤱᤒᤠᤀᤣ. ᤌᤣᤀᤠᤱ ᤂᤧᤏᤧ᤹ ᤁᤧᤔᤏᤠᤜᤠ᤹ ᤁᤧᤛᤠᤰᤐᤥ ᤁᤧᤎᤠᤛᤢᤛᤡᤒᤠᤒᤣ᥅ ᤂᤧᤏᤧ᤹ ᤌᤣᤀᤠᤱ ᤀᤠᤱᤃᤠ᤹ ᤁ᤹ᤕᤥ ᤁᤧᤒᤠᤱᤄᤠᤱᤒᤠᤒᤣ᥅

ᤑᤠᤖᤥ ᤜᤠᤱᤅᤡᤸᤗᤧ ᤐᤠ᤺ᤳᤋᤢ. “ᤕᤜᤘᤣ ᤍᤠᤱᤒᤠᤴ ᤜᤠ᤺ᤵᤐᤣ᥅ ᤀᤠᤱᤃᤠ᤹ ᤂᤢᤏᤧ᤹ ᤁᤢᤒᤠ᤺ᤴᤏᤡᤴ ᤂᤧᤵᤛᤢᤱᤅᤠᤱ ᤌᤣᤀᤠᤱ ᤀᤡᤛᤪᤠᤀᤡᤗᤡᤜᤠ᤹ ᤐᤣᤰ ᤑᤠ᤺ᤰᤋᤢᤱᤛᤡᤱᤒᤠᤒᤣ᥅ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤠᤴ ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ ᤐᤣ᤺ᤰᤔᤠ ᤔᤧᤓᤠ᤺ᤰᤋᤢᤱᤛᤡᤱᤅᤡᤴ॥”

ᤁᤖ ᤀᤠᤸᤗᤥ ᤁᤶᤓ ᤌᤠᤖᤡᤰ ᤂᤧᤱᤜᤠ᤹ᤖᤧ ᤀᤠᤰᤂᤩᤠᤖᤡᤰ ᤂᤠᤶᤗᤧᤰ ᤔᤧᤈᤥᤃᤢᤖ ᤔᤧᤘᤕᤧ ᤂᤧᤶᤔᤩᤠᤰᤁᤣ ᤂᤧᤱᤜᤠ᤹ ᤆᤥ᤺ᤰᤔᤠ ᤐᤠᤱᤄᤠᤶᤛᤡᤶᤔᤧ᤹॥ ᤀᤠᤰᤂᤩᤠᤖᤡᤰᤁᤠᤱ ᤔᤧᤛᤢ᤺ᤴᤏᤧᤴᤗ ᤆᤒᤧ᤺ᤳᤇᤡᤰᤗᤰ ᤆᤥ᤺ᤰᤔᤠ ᤔᤧᤓᤠ᤺ᤰᤋᤠᤶᤛᤡᤶᤔᤡᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤁᤧᤗᤧᤶᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹॥ ᤂᤧᤸᤗᤧᤆᤥᤃᤢᤸᤗᤧᤀᤣ ᤂᤧᤱᤜᤠ᤹ ᤀᤰᤂᤣ ᤔᤧᤗ᤹ᤀᤠᤱ ᤔᤧᤀ᤺ᤰᤗ ᤔᤧᤘᤠ᤹. ‘ᤀᤠᤏᤡᤃᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤛᤡᤍᤢᤱᤈᤓᤠ ᤋᤥ᤺ᤴᤇᤧ ᤐᤣ᤺ᤰᤔᤠ ᤀᤠᤓᤠ᤺ᤰᤋᤧ᤹॥’ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤢᤰᤛᤢᤰ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤠᤱᤄᤠᤶᤛᤡᤶᤔᤧ᤹ ᤜᤧᤰᤁᤩᤠᤱ ᤏᤠ᤺ᤶᤛᤡᤱᤔᤠ ᤔᤧᤓᤠ᤺ᤰᤋᤠᤶᤛᤡᤶᤔᤡᤴᤏᤧ᤹॥ ᤜᤧᤰᤁᤣ ᤐᤥᤱᤅᤡᤸᤗᤧ ᤂᤧᤱᤜᤠ᤹ ᤀᤡᤱᤗᤧᤰᤐᤠ ᤐᤠᤴ ᤂᤧᤶᤔᤠ ᤕᤠ᤺ᤴᤍᤡᤰ ᤔᤧᤴᤍᤠᤏᤧᤴ॥”