Папулярныя біблейскія вершы з ᤋᤥᤗᤡᤱᤛᤥᤔᤢ 35

Падзяліцца

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤀᤠᤱᤃᤠ᤹ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤀᤠᤖᤥ॥ ᤑᤢᤱᤘᤠᤑᤧᤰᤋᤧ᤹ᤖ ᤐᤣᤃᤧ᤹. ᤜᤧᤰᤁᤩᤠᤱ ᤕᤖᤡᤰ ᤐᤥ᤺ᤴᤍᤧ᤹ᤖ ᤐᤣᤃᤧ᤹॥ ᤗᤳᤇᤠ ᤛᤢᤒᤠᤱ ᤜᤧᤰᤁᤩᤠᤱ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ ᤗᤢᤵᤜᤠ᤹ ᤂᤢᤏᤧ᤹ᤗᤠᤶᤔᤣ ᤔᤧᤒᤥ᤺ᤴᤗᤥ. ᤜᤧᤰᤁᤩᤠᤱ ᤜᤠᤱᤜᤠ᤹ᤀᤠᤱ ᤂᤧᤏᤧ᤹ᤗᤠᤶ ᤔᤧᤗ᤺ᤴᤗᤥ॥ ᤀᤒᤪᤠᤜᤠᤔ ᤏᤢ ᤀᤡᤛᤜᤠᤰᤁᤧᤴ ᤐᤡᤖᤢᤱᤛᤡᤱᤒᤠ ᤗᤠᤈᤣᤴ ᤀᤠᤱᤃᤠ᤹ ᤂᤧᤏᤧ᤹ ᤐᤡᤏᤧ. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤴ ᤗᤠᤈᤣᤴ ᤂᤧᤏᤧ᤹ ᤁᤧᤀᤣᤃᤠᤱ ᤁᤧᤛ᤻ᤛᤠ ᤁᤧᤶᤔᤧᤴᤇᤠ᤹ᤜᤠ᤹ ᤐᤡᤖᤢᤱᤛᤡᤱ᤹॥”

ᤂᤧᤒᤩᤠᤱ ᤀᤠᤏᤡ᤹ ᤒᤣᤌᤣᤗᤀᤥ ᤐᤣᤃᤡ. ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤍᤢᤰᤂᤧᤖᤧᤴ ᤕᤧᤴᤏᤥ ᤀᤠᤒᤣᤗᤡ ᤁᤧᤄᤧᤶᤒᤠ ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤠᤳᤋᤠᤴ ᤐᤣ᤺ᤰᤁᤠᤛᤠᤱ ᤀᤠᤱᤃᤠ᤹ᤏᤢ ᤛᤥᤛᤥᤖᤡᤰ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤂᤧᤵᤔᤥ ᤀᤠᤱᤃᤠ᤹ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤌᤡᤰ ᤆᤥᤃᤢᤱ᤹॥”

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤁᤧᤔᤡᤱᤅᤡᤴᤃ ᤕᤠᤁᤢᤒᤖᤥ. ᤁᤖ ᤀᤠᤸᤗᤀᤠᤱᤎᤥ ᤂᤧᤏᤧ᤹ ᤕᤠᤁᤢᤒ ᤁᤧᤔᤧᤶᤔᤧᤳᤏᤧᤸᤗᤥ. ᤂᤧᤏᤧ᤹ ᤁᤧᤔᤡᤱ ᤀᤡᤛᤪᤠᤀᤡᤗ ᤐᤥᤱᤗᤥ॥” ᤂᤧᤸᤗᤧᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱ ᤀᤡᤛᤪᤠᤀᤡᤗ ᤔᤧᤳᤋᤢ॥

ᤂᤧᤸᤗᤧᤆᤥᤃᤢᤸᤗᤧ ᤕᤠᤁᤢᤒᤖᤧ ᤁᤢᤜᤡᤶᤛᤕᤱ ᤜᤧᤰᤁᤩᤠᤱ ᤂᤢᤏᤧ᤹ᤏᤢ ᤁᤧᤘᤠ᤹ᤒᤠᤜᤠ᤹ ᤁᤧᤖᤧᤰ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤧᤃᤳᤋᤢᤶᤛᤡᤶᤒᤠ ᤔᤢᤖᤧᤴᤗᤠᤈᤣ᤹ᤒᤠ ᤔᤠᤱᤜᤠ᤹ ᤗᤠᤵᤑᤣᤛᤠᤶᤛᤡᤶᤔᤧ᤹ ᤜᤧᤰᤁᤩᤠᤱ ᤀᤠᤒᤠᤅᤣ ᤛᤣᤛᤣᤛᤠᤱᤛᤠᤱ ᤆᤥ᤺ᤰᤛᤡᤱᤅᤠᤶᤔᤧ᤹ᤀᤠᤱ ᤆᤠᤱ ᤗᤧᤰᤛᤡᤅᤠᤶᤔᤧ᤹॥

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤁᤢᤒᤧᤴ ᤔᤧᤳᤋᤢ᤹. “ᤐᤥᤃᤧ᤹ᤀᤠᤱ ᤌᤥ ᤒᤣᤌᤣᤗᤀᤥ ᤐᤣᤃᤧ᤹ ᤜᤧᤰᤁᤩᤠᤱ ᤂᤧᤵᤔᤥᤀᤣ ᤕᤢᤅᤧ᤹ᤀᤥ. ᤁᤧᤶᤓᤢ᤹ ᤀᤣᤛᤠᤒᤖᤥᤗᤠᤶ ᤂᤧᤏᤧ᤹ ᤁᤧᤄᤧᤳᤇᤡᤱᤅᤧᤸᤗᤧ ᤂᤧᤏᤧ᤹ᤀᤥ ᤁᤧᤎᤠ᤺ᤶᤛᤡᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤃᤡ ᤂᤧᤵᤔᤥ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤌᤡᤰ ᤆᤥᤃᤧ᤹ᤀᤥ॥”

ᤂᤧᤸᤗᤧ ᤁᤢᤛᤰᤔᤠ ᤐᤣ᤺ᤰᤔᤠ ᤆᤥᤃᤧᤸᤗᤧ ᤂᤧᤸᤗᤧ ᤂᤧᤴ ᤀᤅᤧ᤺ᤰᤘᤠᤴ ᤒᤧᤏ-ᤀᤥᤏᤡ (ᤀᤠᤱᤃᤠ᤹ ᤀᤠᤍᤢᤰᤂᤣ᤺ᤸᤗᤧ ᤁᤳᤋᤢᤱᤒᤠ ᤛᤠ) ᤔᤡᤱ ᤘᤠ᤺ᤳᤋᤢ॥ ᤁᤖ ᤁᤢᤶᤒᤠᤖᤧ ᤂᤧᤴ ᤀᤅᤧ᤺ᤰᤘᤠᤴ ᤒᤣᤏᤩᤠᤔᤡᤏ (ᤀᤠᤈᤢᤰᤘᤠ ᤜᤢᤰ ᤛᤠ) ᤔᤡᤱ ᤘᤠ᤺ᤳᤋᤢ॥