Папулярныя біблейскія вершы з ᤋᤥᤗᤡᤱᤛᤥᤔᤢ 41

Падзяліцца

ᤕᤢᤛᤢᤑᤖᤧ ᤑᤠᤖᤥᤴ ᤔᤧᤳᤋᤢ. “ᤀᤰᤋᤱᤒᤠ ᤛᤠᤶᤈᤡ᤺ᤰᤁ ᤀᤠᤱᤃᤠ᤹ ᤔᤧᤃᤳᤋᤠᤴ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤧᤵᤔᤠᤱᤅᤡᤸᤗᤧ ᤁᤢᤒᤣ ᤁᤧᤜᤴ ᤁᤧᤒᤡ᤹᤺॥”

ᤜᤧᤰᤁᤩᤠᤱ ᤑᤠᤖᤥᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤁᤴ ᤔᤏᤠᤴ ᤜᤧᤰᤋᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠᤶᤛᤠᤶ ᤁᤧᤃᤵᤐᤠ ᤘᤣ᤹ ᤔᤏᤠ ᤀᤠᤏᤡ᤹ ᤜᤠᤳ ᤂᤥᤔᤠ ᤀᤠᤛᤢᤰᤋᤢᤶᤒᤣ᥅”

ᤂᤧᤒᤩᤠᤱ ᤑᤠᤖᤥᤸᤗᤧ ᤕᤢᤛᤢᤑᤧᤴ ᤔᤧᤳᤋᤢ. “ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤃᤧᤎᤠᤰᤋᤧᤀᤠᤱ ᤘᤠ᤹. ᤂᤧᤏᤧ᤹ ᤜᤧᤰᤋᤱᤒᤠ ᤆᤠ᤺ᤵᤐᤠ ᤏᤢ ᤛᤡᤰᤁᤢᤶᤛᤠᤒᤠ ᤔᤏᤠ ᤘᤣ᤹ ᤜᤠ᤺ᤳᤋᤠᤱ ᤜᤥᤵᤗᤥ॥ ᤀᤠᤱᤃᤠ᤹ ᤀᤠᤜᤡᤶᤔᤥ ᤂᤧᤏᤧ᤹ᤀᤣ ᤕᤢᤰ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤜᤧᤰᤁᤣ ᤁᤧᤖᤧᤰ ᤀᤠᤱᤃᤠ᤹ ᤀᤠᤔᤏᤠᤜᤠ᤹ᤖᤧ ᤔᤧᤈᤥᤃᤢᤖᤥ॥ ᤜᤠᤱᤕᤢᤰᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥᤖᤰ ᤀᤠᤱᤃᤠ᤹ ᤂᤧᤏᤧ᤹ᤏᤢ᤺ᤸᤗᤧ ᤌᤥ ᤘᤠ᤹ᤀᤠ॥”

ᤘᤣ᤹ᤛᤔᤠᤸᤗᤧ ᤁᤢᤔᤡᤱ ᤂᤢᤏᤧ᤹ ᤀᤣᤑᤪᤠᤀᤡᤔ ᤘᤠ᤺ᤳᤋᤢ ᤜᤧᤰᤁᤩᤠᤱ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤋᤢᤰᤂᤣ ᤆᤩᤠᤱᤒᤠ ᤗᤠᤈᤣ᤹ᤀᤥ ᤏᤢ᤹ᤔᤠ ᤋᤠᤔᤠᤴ ᤐᤡᤖᤠᤱᤅᤠᤱ ᤘᤠ᤹॥”

ᤋᤢᤶᤒᤧᤸᤗᤧ ᤁᤢᤔᤡᤱ ᤕᤢᤛᤢᤑᤖᤧ ᤔᤏᤛ᤻ᤛᤣ ᤘᤠ᤺ᤳᤋᤢ. ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤍᤢᤰᤂᤣᤜᤠ᤹ ᤏᤢ ᤀᤠᤶᤒᤠᤖᤧ ᤁᤢᤜᤡᤶᤔᤡᤸᤗᤧ ᤏᤡᤱᤘᤠᤛᤢᤶᤔᤡᤴ ᤏᤡᤱᤘᤠ᤹ ᤔᤢ᤺ᤳᤇᤢᤱᤗ ᤕᤠ᤺ᤴᤍᤠᤱᤅᤠᤱ ᤘᤠ᤹॥”