Папулярныя біблейскія вершы з Mateus 7

Падзяліцца

— Ferlangt un teyer wërt kriin; suucht un teyer wërt fine; klopt un ti tier wërt uf kemach fer aych.

Wayl, al tii woo ferlange, kriin; tii woo suuche, fine; un ti teyer wërt uf kemach fer weyer klope tuut.

— Weyer tii mayn unterichte aan heyert um tuut tëm noo leewe is wii en kluuche man woo sayn haus uf ti fels kepaut hot.

— Macht fer ti anere was teyer wolt tas tii fer aych mache; wayl tas is was Mooses sayn Kesets un te Profëte sayn unterichte lërne.

Ti ëng tier un te xwiiriche weech fire pis ans leewe un weenich mënxe fine tee weech.

— Keet an ti ëng tier rin, wayl ti prayt tier un te laychte weech fiire pis in ti hel, un es kept fiil layt woo uf tëm weech keen.

Teyer, wën teyer ach xlecht sayt, wist kuut tings fer ayre khiner kewe. Wii fiil mee ayre Fater, woo im himel is, wërt kuut tings kewe fer tii woo iim ferlange tuun!

— Julkeyert net ti anere tas teyer net julkeyert kept fon Hërkot. Wayl Hërkot tuut aych julkeere kraat soo wii teyer ti anere julkeere tuut un tuut ti selwich moos penutse woo teyer penutst fer ti anere mese.

— Weyer tii mayn unterichte aan heyert un net tëm noo leewe tuut is wii en man oone ferxtant woo sayn haus uf te sant kepaut hot.

Warom siist tuu te trek krimel woo in tayne pruuter sayn au is un mërekst net tas hols xtik woo in tayn aychne au is? Wii khanst tuu fer tayne pruuter saan: “Los mich tee trek krimel aus tayn au mache”, wën tuu en xtik hols in tayn aychne au host?

— Past uf mit te falxe profëte! Ti khome keklayt als xoofe, awer inerlich sin se wilte wolfe. Teyer tuut se erkhëne torich was se mache. Ti tëner phitx kewe khee trauwe, un ti prëneltse xtek kewe khee fayche.

Soo, yeete kuute paam kept kuute fruchte, un te paam woo fer niks taaft kept xlechte fruchte.

Te kuute paam khan khee xlechte fruchte kewe, un te paam woo fer niks taaft khan khee kuute fruchte kewe.

Yeete paam woo khee kuute fruchte kept wërt ap kehakt un ins fayer kexmis.