Папулярныя біблейскія вершы з लूका 14

Падзяліцца

“अगर केऊ मोर ठिना आवी आउर अपन आयो-आबा, भाई-बहिन, छउवा-पुता, अपन जनाना आउर अपन जीउ के मोर से बगरा प्रेम करेला, तो उ मोर चेला बनेक नी पारी।

आउर जे केऊ मोर खातिर दुःख उठाएक आउर मोइर जाएक ले तेयार नी रही, ओहो मोर चेला बनेक नी पारी।

काले कि जे केऊ खुद के बाड़ मानी, उके छोट मानल जाई आउर जे केऊ खुद के छोट मानी, उके बाड़ मानल जाई।”

एहे नियर तोहर में से जे केऊ अपन सोउब कुछ के नी छोड़ी, तो उ मोर चेला बनेक नी पारी।

तोहर में से एइसन केहर अहे, जे महल बनाएक चाही, आउर आगे बाइठ के उकर खरचा के नी जोड़ी कि पूरा करेक लगिन उकर ठिना ओतना पइसा अहे कि नखे? अगर उ एइसन नी करी तो कहीं नेव उठाएक केर पाछे उके पूरा करेक नी पारी आउर आदमीमन उके देइख के उकर मजाक इ कइह के करेक लगबैं, ‘इ आदमी बनाएक तो शुरु करलक, मगर पूरा करेक नी पारलक।’

मगर तोंय गरीब, टुंडा, लंगड़ा आउर अंधरा आदमीमन के बोलाय के उमन के भोज देबे। तब तोंय धाइन होबे, काले कि बदला चुकाएक लगिन उ मनक ठिना कोनों नी होवेला, आउर जब धरमी आदमीमन फिन से जी उठबैं, तब परमेश्‍वर तोके इनाम देवी।”

नोन तो बेस अहे, मगर नोन केर नोनछर सिराई जाई, तो उके दोबारा कोनोवें चीज से नोनछर बनाएक नी पराई। उ ना तो भूंई केर काम में आउर ना माइद केर काम में आवी। उके आदमीमन बाहरे फेइक देबैं। जे केऊ मोर इ गोइठ के धेयान से सुनाथा, उमन से मोंय कहाथों, इकर बारे में समझेक केर कोशिश करा।”