Папулярныя біблейскія вершы з Yowana 13

Падзяліцца

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’ Araabha mukeendana, niwo abhaanu bhoone abhaja okumenya ati muri bheeyigisibhwa bhaani.”

Araabha anye, unu niri Mwiyigisya na Raatabhugenyi weemwe, naabhoosya amaguru, emwe wone ni bhusibhusi mubhega nimwosyanya amaguru. Naabheeresya echijekekanyo, korereki emwe wone mubhega nimukora rwa kutyo anye naabhakorera.

Yeesu ˆnaamusubhya ati, “Gunu enikora woori anu, awe utakugusombookerwa, nawe owuja okugusombookerwa omwanya gunu oguuja.”

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Mbe, omwanya gunu bhaariga nibharya, Yeesu ˆnaasooka ku‑nenda, ˆneemereeguru, ˆnaafuura omwingiro gwaye, ˆnaagega orupande ˆneebhoya mu‑chibhunu. Neeya, ˆnaasuka amanji mw‑itubha. Mbe, ˆnaamba okwosya abheeyigisibhwa bhaaye amaguru na okugafwafuuta na orupande orwo.