Папулярныя біблейскія вершы з Dioni 10

Падзяліцца

Pake noaya alimiri mo sipisipi menanu mumare lu ma-koyaluame epelemepare ni epe eiri mo sipisipi menanumi endoaya ei minyaya epawa, lisaya. Gupuma rumbia wia endoaya ei minyaya epawa, lisaya.

Niri monde sipisipi menanu epe rupa andere-ayo aliae. Ande epe rupa sipisipi mena andere-ayo alimi, mo sipisipi menanu rambamulame nipuna endoaya ei ambala kone na-wilia, lisaya.

Na sipisipi menanumi na angele koma mealeme. Go einare neme pange nimu kone waru suma andaloae. Gupuma na kou nane raluma ipulumiae, lisaya.

Nimu para endoma ao-aya ei alaloae. Nimuri ora na-komeleme. Gupuma nimuri na ki para ainya, ali menda parame ralu lopao meape-na-ya, lisaya.

Niri ninale pora gape ayo. Ali apimi ni para konda pamboma epeleandare gore go alimi endoaya ei ora milia. Gupuma mo aliri runane puala, kama nane epala puala pula ara epe endanu nala pilia, lisaya.

Niri ande sipisipi menanu epe rupa andere-ayo aliae. Gurupa neme pange sipisipi menanu kone waru suma andaloae. Gupuma na sipisipi menanumi pange ni kone rulaoma andaleme, lisaya. Na Apame ni pange andea. Neme pange na Apa andaloae. Gurupa ande sipisipi menanu para neme kone waru siala ara na sipisipi menanu rambamulame komolandare ana pea, lisaya.

Nimiri na Apame ni para gea. Gupuma na Apa pange ora so mandaa ara wenaali alenda alenda raayo lu angulaya. Go eina na Apame siambaya einu ali mendame o koae remome ralu lopao meape-na-ya, lisaya. Na Apa pange ni saa laapo ora komea kama aepa, lisaya.

Niri ande sipisipi menanu epe rupa andere-ayo aliae. Gurupa neme pange sipisipi menanu kone waru suma andaloae. Gupuma na sipisipi menanumi pange ni kone rulaoma andaleme, lisaya. Na Apame ni pange andea. Neme pange na Apa andaloae. Gurupa ande sipisipi menanu para neme kone waru siala ara na sipisipi menanu rambamulame komolandare ana pea, lisaya.

Ali mendame na endoaya ei koyape-na-ya. Na kone suma na endoaya ei minyapalalua. Neme minyapalalua pange wala mulandare na puri ana pea. Go eiri na Apame ni para pape loma la giae, lisaya.

Go eina Yesumi wala gurupa lisaya. Neme nimi para ora angelenu laloae. Niri sipisipi menanuna pora gape ayo, lisaya.

Ali mendana sipisipi mena andere-ara yangi mulameya pia alimiri kapipi yana epelea ei andomare ande sipisipi menanu minyapalaoma pongola pelea. Go eina mo kapipi yaname ande sipisipi menanu lu neleandare rando randopu pongola peleme, lisaya.

Yesumi lalore, Neme nimi para ora angele laloae, lisaya. Ali menda apimi mo sipisipi menanuna pape kudana pora gape parayame na-konda pambe, papere anguloma peleandare gore go aliri ririna mo sipisipi menanu o olemolenu pake nape aliae, lisaya.