Папулярныя біблейскія вершы з متّی 8

Падзяліцца

یِسُوع جیرھا سب کُجھ ڄاݨدا ہا اُنہیں کنُوں پُچھیا، ”اَے بے‌یقینو! ݙَردے کیوں ہِوے؟“ اِیندے بعد اُوں اُٹھی کرائیں ہوا اَتے پاݨی کُوں دَڑکا ݙِتا اَتے جھیل اِچ بالکل امن تھی ڳیا۔

صوبیدار جواب ݙِتا، ”سَئیِں! مَیں اِیں لائق کَینی جو تُوں میݙی چھت تَلے آویں بَس اِتھاؤں آکھ ݙیو تاں میݙے نوکر کُوں شِفا تھی ویسی۔

ایہ سُݨ کرائیں یِسُوع ٻَہُوں حیران تھِیا اَتے اُوں مُڑ کرائیں اپݨے پِچھُوں آوَݨ آلے لوکیں کُوں آکھیا، ”مَیں تُہاکُوں سچّ اَہداں جو بنی اِسرائیل اِچ وی مَیں اِینجھا اِیمان نَئیِں ݙِٹھا۔

وَل یِسُوع صوبیدار دو ݙیکھ کرائیں آکھیا، ”تُوں گھر دو لڳا وَنڄ جیویں تَیں اِیمان رکھیے تیݙے کیتے اُونویں ای تھیسی۔“ اَتے اُوں لحظے اِچ ای اُوندے نوکر کُوں شِفا مِل ڳئی۔

اَتے شاگِرد حیران تھی کرائیں آپت اِچ آکھݨ لڳے،”ایہ کینجھا بندہ ہے جَیندا حُکم ہوا اَتے پاݨی وی مَنیدِن؟“