Папулярныя біблейскія вершы з Matius 23

Падзяліцца

A'un anabiag nimi nubunge nhon wamlom pagha tanena, nimi ologne nimi arukna nenep taleri, yogne yepsilul.

Nimi etneri eldamne paliag nenep tale tanena, nimi eneko mombolag talul. Nimi etneri eldamne mombolag nenep tale tanena, nimi eneko paliag talul,” aro Yesusti ambatsiog.

A'un Musari yubu amohirop nangap, Farisi nimiap, ‘Wali sembanukang,’ aro lero urop nimi seklelamlulom! A'undi Allahag tarelamlom nena, ni kwaneng yona ologne babe a'undi saeag agha pogto palu sa'obare nenep tangka sa'onge Allah sembe wali palilamlom. Ot Allahri, ‘Ulamlulom,’ aro arukahiogne o'om yubu neneko, porog uro tam karebatsinepneap, yareag senehinneap, Allahag wana paliropneap uan koma lililamlom. Allah sembe saeri wali palilamlom aghana, ni o'om yubu lemnange neneko lia ulamlomne a'undi lia unuaheng kom, ane sembe seklebalulom.

A'un Musari yubu amohirop nangap, Farisi nimiap, ‘Wali sembanukang,’ aro lero urop nimi seklelamlulom! Nimiri mag ma'i lomag sip kwaneng maghap inginag a'elban koma, ‘Nimiri ibukang,’ aro alibag sip a'elerop saog uro ulamlom. A'undi wanaag iriktan koma, ‘Topsene,’ senenneap aboabaap to'opto wamlaba ulamlom.

Wene seogti, Yesusti nen tipto yubu lelamogti, “Yerusalem, Yerusalem. A'un Yerusalem nimiri Allah yubu silimu tiplamek nimi olamsilumdi, Allahri wepto poglamsiog nimi babe kirikti olamsilum. Ik sulu nari, ‘A'un paiamsisene,’ senelamsiri winang ayamdi eldi mabo winiro ol niknia urop saog uro, ‘As ene nimiri mabo ni paiamsisene,’ aro yoplamsisi aghana, a'undi karong aro kom alamlum.

Ane saog uro a'un konag sip kemehiropne toman agha ora nimiri a'un sembe, ‘Wana porog nimi wamang,’ sembanep. Aghana a'undi wanaag agha seneraglamlom nena, ‘Wali sembanukang,’ aro lero ulamlomneap, ‘Allahri iriksirop yubu phibahane,’ senenneap to'opto seneraglamlomdi ulamlom.