Папулярныя біблейскія вершы з Mberaand 6

Падзяліцца

O Yaal oxe a ricooxa ke taxna ta fi o kiin took lanq ke, soo xeeñ um a gooy.

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Kaa koy, Nowe a daawa yirmande fee no Yaal oxe.

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Ye wiin we a siwiidaa took lanq ke, boo a ndimaa xa ƥiy xa tew, xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den. Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.» Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

Nowe a fi’ta fop ne Roog a heblit’uuna o ten.

Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

Daaƴoodi a kaal fo a patax gofeer. Fat o fi’anin fo ndok fo ndok, laarin kam oo tafil oo, boo foofi waagkee rok teen.

Roog a ga’a yee wiin we kaa yaqoox, a laawoox, o kiin oo kiin a xot a ƭat a paaxeer um took lanq ke.

Fat o rokin kam a kaal ale itam muumeen ƭik no xos oluu na ñoowaa, ngoor fo ndew, ndax da muc fa wo.