Папулярныя біблейскія вершы з Maki 2

Падзяліцца

Nena, ma Tisasi ɂe noroa naɂaha kira, ma ɂe iria tari kira ɂuriɂe, “Taɂaa kiruha ɂe mao ana kira, kira si poɂo hana mane ni kuraha. Taɂa, poɂopoɂoha ɂe ana taɂaa kira kiruhaɂa. Tamai, na mae hura taha hana suuai ana taɂaa kira otooto noɂo hana hoɂitaɂiha, taɂa na hura hana suuai ana taɂaa kira ɂoni ana mae senaha.”

Taina, Tisasi ɂe reesia norutoɂoha kira ɂe paina, ma ɂe naɂa ɂuriɂe hana mane rapena ɂe mae na, “Hoeku, na totoorita ana rikimana mae senaha ɂo na noɂo.”

Ma Tisasi ɂe iria tari kira ruɂu ɂuriɂe, “Waratoɂo ɂe naɂia Hairatoa Hani Mamaroha hana haipooni ana taɂaa ke. Ɂe mae toɂia taɂaa hana roɂoha soɂona wara otooto soɂona Hairatoa Hani Mamaroha.

Ɂe rikaɂa hana hai mane nena ka torea hihikuma kira na tahaia Tisasi, tona ɂana taɂaa kira ɂoni honosia raɂuma na. Ɂe ɂuna, ɂone kira torea hi kosuna nima na, ma kira hakasia kosuna nima na toɂotoɂorana rihi Tisasi ɂe ɂoni ai, ma kira warokukua mane ɂe kiruhaɂa nena hi huɂa haɂania epa ne ɂe ɂeno hahoi.

Ɂoneho, ma Tisasi ɂe raea rawahia noɂo ɂare ɂutaa kira niɂirae aɂi ke. Ma raena ɂe hana kira ka raea painaha hana totooritaha ana mae senaha noni ɂe ana. Ɂe ɂuna, ɂone ɂe naɂa ɂuriɂe hana kira, “Ɂe tamana ɂitaa ɂau ka niɂirae ɂuna? Ɂau si rio raea ɂokiraha hana totooritaha ana mane ɂaiɂe ɂe aku. Taɂa, ɂaremara na ka iria hana ɂe ka taɂeraɂi ma ka torea epa naia ma ka raa, ma ɂe ka mauri ruɂu, ma ɂi naia, ta ɂau piɂi reesia na toɂo ana ɂokiraha na. Tamai, na ka rao haɂamauria hana ɂau ka rio raea, ɂi nau, Miɂi Tarena Noni, na toɂo ana painaha hana totooritaha ana mae senaha noni kosuna mako.” Nena, ma Tisasi ɂe iria hana mane rapena ɂe mae ɂuriɂe, “Ɂo ko taɂeraɂi, ma ɂo ko huaa epa ɂo, ma ɂo ko ori hana nima ɂo na.”

Ɂoneho, ma Tisasi ɂe raea rawahia noɂo ɂare ɂutaa kira niɂirae aɂi ke. Ma raena ɂe hana kira ka raea painaha hana totooritaha ana mae senaha noni ɂe ana. Ɂe ɂuna, ɂone ɂe naɂa ɂuriɂe hana kira, “Ɂe tamana ɂitaa ɂau ka niɂirae ɂuna? Ɂau si rio raea ɂokiraha hana totooritaha ana mane ɂaiɂe ɂe aku. Taɂa, ɂaremara na ka iria hana ɂe ka taɂeraɂi ma ka torea epa naia ma ka raa, ma ɂe ka mauri ruɂu, ma ɂi naia, ta ɂau piɂi reesia na toɂo ana ɂokiraha na. Tamai, na ka rao haɂamauria hana ɂau ka rio raea, ɂi nau, Miɂi Tarena Noni, na toɂo ana painaha hana totooritaha ana mae senaha noni kosuna mako.” Nena, ma Tisasi ɂe iria hana mane rapena ɂe mae ɂuriɂe

Nena, ma mane ɂaiɂene ɂe taɂeraɂi, ma ɂe huaa epa naia rawahia. Ma rikimana taɂaa ne kira ɂoni taina kira rio soɂona ana horoɂa ɂe raa hi senaha. Ɂe ɂuna, ɂone kira rahe, ma kira haɂapainaa Waratoɂo. Kira iria, “Te ɂare ɂuriɂe, ɂe mae rau kane hana koru ka reesia!”