Папулярныя біблейскія вершы з Muuduko 11

Падзяліцца

Gooti Yawel toro bwoloonyuno sumaiyokwe aro adokaikono. “Oo me'no kwonomakono. A'mwo akaro avaiyogaljo toorogano. Toro tooro noonyumwonyu womdo pun kevnokweravuro kuudo tovida'ai yakwollo'mo kwinpi tov kuvinono ipinorogano.” Adokaikono. Toro juno sumaiyokwe aro sajunokaikono. “A'mwo su tooro kemi avaiyogaljo dodupudo tov kevnokwero nuu'nupiyokweyo'mo nevu wolowa'ji kemoro avaiyogaljo tovi kaiyako wolomolloujulowapiyano.” Sajunokaikono.

Toro junyuno sumaveyokwe toga aki aro ajunoporogano. “Nevu yiuwi'nokai kwako akavi gomno gomno nyomuudeyapino'jokweyo'mo tov yovokwe neya imo'nano. Toro toonol wagwolago bwotonyo puruv modowa'ji aki agumi'ago purukwe'aro modumelowanokwono. Agumi'ago su tov sulugumdo tovi ilubogai'nyo'mo modumelowanokwono.” Toro ajunoporogano.

Toro te wagwolago su toru'no Bebeloru sowaroporukono. Toro sowaropo tov aro tovinokwono. Gooti Yawel yiuwi'nokai a'mwo abolo kwako akavi mwalodupudo tooravuro avaiyogaljo tovi kaiyako abwolomolloujulowapiyoka togada'ai kwako akavi aiyowomno sounopiyoporogano. Toro tovino tov yovo su tov sowaroporukono.

Muudu'nodo toga yiuwi'nokai a'mwo kwako akavi mwalodupudo tooro avaiyogaljo tov yiuno puru'mono ajajuporogano.

Toro junyuno sumaveyokwe kwako akavida'ai a'mwo su tooro wagwolago bwotonyo tokwe agumi'ago tokwe tovallu nomodumovla'mdopure toga Gooti Yawel abwoloonokaikono.

Toro yajunyuno sumaiyokwe Gooti Yawel kuvinono abwolomolloujulowapiyokaikono. Toro abwolomolloujulowapiyoka togada'ai a'mwo tooro kemoro wagwolago amojajupo womdo tovi sumwogapiyoporogano. Toro imwogapino sumaveyokwe gomno gomno plavo'mno kwako akavi aiyowomno sounopiyoporogano.