Папулярныя біблейскія вершы з यूहन्‍ना 14

Падзяліцца

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

जसकी ङे खि सिन कोताते ङेन्‍ला खि साबाच्‍योक खिदुक, ङाला ङिङज्‍ये खित्‍कान्‍ते मि थेराङ ईन। ङाला ङिङज्‍ये खित्‍कान्‍ते मिलाचेन आबेकीङ ङिङज्‍ये खिओ। थोकराङ खाला ङाङ थेला ङिङज्‍ये खिओ थेमे ङा चुक छ्ये ईन्‍दे सिन थेला झन लेमु खाला छ्या स्‍ये ज्‍युत्‍क्‍यो,” सिन बात खासुङ।

ख्‍योकोनला सल्‍लाह तेरकान्‍ते ज्‍येनज्‍यीकला थोङ सिन ङा आबाताङ बिन्‍ती खिओ। थे वाला सधैँभरि ख्‍योकोनताङ ङ्योम्‍बुराङ देत्‍क्‍यो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

थेमे ख्‍योकोनगी ङे मिन लाकीन नाङ खाबाते जे कुरोङ ङा तेरग्‍यो। ङा फुज्‍युङगी दोक खानामेई आबा चुक छ्ये ईन्‍दे सिन ख्‍योकोनगी छ्या स्‍येक्‍यो। ख्‍योकोनगी ङे मिन लाकीन जे नाङ सासीनोङ ङा ख्‍योकोनला तेरग्‍यो।

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

ङे आबे खाम्‍बादु देत्‍च्‍येते ठाउँ काल्‍बेई ओत। थोक मेता ईन्‍सीन ङा ओत सिरच्‍या मेतान। ङा ख्‍योकोन लाईदु ठाउँ ठीक खिताला डुइओ।

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

थेमे थोमेकी “प्रभु, खो खापा डुइते सिन ङ्योकोनला छ्या मेत। थोगी खो डोसादु लेप्‍च्‍येते लाम ङ्योकोनगी चुक खाला छ्या स्‍येकीते?” सिन सिदुक।