Папулярныя біблейскія вершы з लूका 23

Падзяліцца

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

येशूकीचेन थेला “खो ज्‍यीबा माकेत। खो थरिङमेईराङ ङात्ताङ स्‍वर्गने देता ङेत्‍क्‍यो,” सिन सिदुक।

र्‍वातेला थोक साकीन च्‍याकीन थेकी येशूला “ए येशू, खो गेल्‍बो ओङगीन राज्‍य खिताला स्‍यूनामेई ङालाङ सम्‍झे खि,” सिन सासुङ।

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

थेबाबरी खप्‍पर सिरसादु ख्‍योल्‍नामेई मिल्‍टेरीओनगी येशूला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन लाङसुङ। थेमे डाँका ङिबोलाङ येशूला च्‍योकराङ खाईन थे फारताङ छुरला स्‍यिङगी थाम रेरेला टाँए खासुङ।

थेजीनसाकला ङीम्‍मु बाह्र बजे खिता खाबा ओतान। थेमे होथोजो बेलामेकी ङीमे नाम्‍दाक तोरगीन तीन बजेसाक लुङबा खाङ मुन्‍दाक जिङी गाल्‍सुङ। थेमे परमेश्‍वर मन्‍दिर नाङदु क्‍योराते पर्दा ईनेकी मिमासाकराङ टुक्रा ङि गाल्‍गीन राल्‍सुङ।

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।