Папулярныя біблейскія вершы з Intangiriro 17

Падзяліцца

Aburamu amaze imyaka mirongo urwenda n'icyenda avutse, Uhoraho aramubonekera aramubwira ati: “Ni jye Mana Nyirububasha, ujye unyoboka kandi ube indakemwa.

Ntabwo uzongera kwitwa Aburamu, ahubwo uzitwa Aburahamu kuko nzaguha gukomokwaho n'amahanga menshi.

Nzakomeza Isezerano nagiranye nawe n'urubyaro ruzagukomokaho, iryo Sezerano rizahoraho uko ibihe bihaye ibindi. Nzaba Imana yawe n'iy'abazagukomokaho.

“Dore Isezerano ngiranye nawe: uzakomokwaho n'amahanga menshi.

Imana iramusubiza iti: “Oya da! Ahubwo umugore wawe Sara azabyara umwana w'umuhungu, uzamwite Izaki. We n'abazamukomokaho ni bo tuzagirana Isezerano ry'iteka ryose.

Wowe n'abazagukomokaho nzabaha iki gihugu cyose cya Kanāni wimukiyemo. Kizaba gakondo yabo burundu kandi nzaba Imana yabo.”

Aburahamu acyubamye hasi asetswa no kwibaza ati: “Mbese nabyara maze imyaka ijana? Ese Sara we umaze imyaka mirongo cyenda yabyara?”

Imana ikomeza kubwira Aburahamu iti: “Umugore wawe ntuzongere kumwita Sarayi, kuko izina rye ribaye Sara.

Uko gukebwa kuzaba ikimenyetso cy'Isezerano nagiranye namwe.

Ariko undi mwaka iki gihe, Sara azakubyarira umuhungu Izaki, uwo ni we tuzagirana Isezerano.”

Umwana wese w'umuhungu wo muri mwe azajya akebwa amaze iminsi umunani avutse, ari uvukiye mu rugo rwanyu cyangwa umunyamahanga mwaguze. Abavukiye mu rugo rwanyu ndetse n'abo mwaguze, bose bagomba gukebwa. Icyo kimenyetso kiri ku mubiri, kizagaragaza ko Isezerano nagiranye namwe ari iry'iteka ryose.