Папулярныя біблейскія вершы з Wenía 6

Падзяліцца

Atõ aská oĩinã ãwẽ shovimati yorarasĩ “ẽ awe ismtákĩ”, ikĩ ato oĩki. Askái ãwẽ chinã neneyai nii.

Askái yora chinã ichnávaĩi, ichnái tapisvo ato oĩki Yavepa.

Askámaĩnõ Noéro anõ mekíi.

Noepa revomarasĩ yoãnáro neskáti. Noéro chinã meki ivo yora, Yové Koĩnĩ tasánanãpaóa, avé shaváyaivorasĩ keskáma.

Askái vanai. “Ẽ shovimati yora, maĩ noyõ ikiya, maĩ meshoya, yoini peiyavo akárasĩ ato keyosnõ. Awesáma, eã ato shovimatisemẽkĩ, ‘ẽ awe ismtákĩ’, iinã ẽ ikírvi”, ikí.

Yora revokaĩi maitioi peás ikí, aĩvakẽ vakeyávo. Askái Yové Koĩni vakevõ aĩvo roakachtavo oĩinã, atõ arí chinãnese ninivarãvarãvo. Atõ askámaĩnõ, Yavé vanai. “Yoraro veí namisho, ẽ chinã vari aatíikai atonĩ niátĩpa. Ramaro 120 varise ato shokõnõ”, ikí. Aatiã shavapa, aaivo maĩ, “nefilim”, atõ aká ivorasĩ aya. Aská txipo askásevioi. Awesáma, Yové Koĩni vakevõ shavorasĩ ninivarãvarãsho atõ vake iáa, yorã oĩtanáka kakatai shokovo.

Askái Noepa katsése Yové Koĩni yonoa keskáse ashõti.

Noé vana akĩ. “Ramaro naaivo mai shavapa shokoyavorasĩ ato ẽ keyokatsa, ashkã ranĩnanãi maí maí isvo oĩinã. Askái yorarasĩ, mai õsiki ato ẽ keyokatsa.

Askámaĩnõ, miãro, iwi cipreste ivo kavẽsho, rãtxa anipakĩ shovimavaikĩ, karovi pae txapi ashõ anõ vestotso, petxirisho nakirisho avévakĩtso. Aská avaikĩ naki paró akõvaĩtso.

Askái yorarasĩ ichnái tavákepatõ ikí shokovo oĩinã

Askámaĩnõ, yoinavorasĩ katsése, atõ aĩnĩ ashõ weimaótso, mivé ave pashanõvo.